Federata e Futbollit të Kosovës, ka njoftuar se ka nxjerrë në shitje biletat për dy ndeshjet e radhës të Kosovës.
Dardanët fillimisht do të përballen me Jordaninë në një ndeshje miqësore, që do të zhvillohet në “Fadil Vokrri” të mërkurën nga ora 18:00, pastaj në ndeshjen e fundit kualifikuese të kupës së botës, do të ballafaqohen në udhëtim te Greqia.
Ne ndeshjen ndaj Jordanisë, FFK bën të ditur se nga dita e hënë me fillim nga ora 15:00, biletat do të jenë në shitje në pikat e Art Motion.
Edhe në këtë takim, sikurse në të kaluarit, çmimet e biletave janë 20 euro në tribunën perëndimore, në atë lindore bileta kushton 10 euro, ndërsa në veri dhe në jug, dardanët mund t’i blejnë biletat nga 5 euro.
Derisa edhe në këtë ndeshje në bazë të masave anti-COVID të qeverisë së Kosovës do të lejohet shfrytëzimi 30 për qind i kapacitetit të stadiumit.
FFK gjithashtu bënë të ditur që biletat janë në shitje edhe për ndeshjen e fundit kualifikuese të Kupës së Botës, që Kosova do të përballet në udhëtim te Greqia.
Biletat për këtë ndeshje gjenden në platformën online të Federatës së Futbollit të Greqisë, (https://www.ticketmaster.gr/), derisa hyrja në stadium do të lejohet vetëm me certifikatë vaksinimi, apo me dëshmi që personi ka kaluar koronavirusin.
Ndeshja Greqi – Kosovë do të zhvillohet të dielën e 14 nëntorit, me fillim nga ora 20:45.
Dardanët aktualisht gjenden në vendin e fundit të Grupit B, me katër pikë të grumbulluara, aq sa ka edhe Gjeorgjia e pozicionuar një vend më lart.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës