Federata Angleze e Futbollit (FA) dëshiron të zbulojë nëse Sandro Tonali ka vënë bast në ndeshjet e Newcastle që nga transferimi i tij në Angli.
Sandro Tonali humbi ndeshjen e tij të parë për Newcastle pas pezullimit të tij javën e kaluar, kundër Wolverhampton, dhe do të jetë në gjendje të kthehet në aksion vetëm pas 10 muajsh.
Ndërkohë, sipas raporteve të gazetës britanike “The Athletic”, FA ka hapur një hetim ndaj ish-lojtarit të Milan-it për të parë nëse ai ka vënë bast edhe për ndeshjet e Newcastle pas transferimit të tij te “Magpies”.
Në fakt, hetimet që çuan në dënimin nga Prokuroria e FIGC-së (Federata Italine e Futbollit), u ndalën te bastet e vendosura nga lojtari gjatë kohës që ai ishte pjesë e Milan-it, duke qenë se hetimi filloi në vitin 2022.
Natyrisht, një dënim edhe nga FA do të çonte në një skualifikim që do t’i shtohej atij tashmë në fuqi për Tonali-n, i cili do të shtynte rikthimin e tij në fushë, me Kampionatin Evropian 2024 në Gjermani që nuk mund të luhet nga mesfushori i lindur në vitin 2000.
Si Tonali ashtu edhe Newcastle kanë pasur një sërë bisedimesh me përfaqësuesit e federatës, të konfirmuar nga drejtori sportiv i klubit, Dan Ashworth.
Për momentin, hetimet e FA janë vetëm në fazën fillestare, ndërsa në muajt në vijim priten lajme. Në fakt thashethemet flasin për Newcastle që nuk ka ndërmend të lejojë ish-lojtarin e Milan-it të marrë pjesë në stërvitje me pjesën tjetër të ekipit, të paktën për momentin, siç bën Nicolo Fagiolo me Juventus-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë