Zëvëndës- ndihmës sekretari amerikan i Shtetit, Gabriel Escobar, ka treguar mbështetje për integrimin e Ballkanit Perëndimor në Bashkimin Evropian.
Këtë ai e ka bërë gjatë një debati të organizuar nga Qendra për Politika Evropiane, me temën “Bisedimet Beograd-Prishtinë: A po kthehemi në rrugën e duhur?”.
Ai u shpreh i shqetësuar për zvarritjen që po i bëhet procesit të zgjerimit të BE-së.
Sipas tij, Shtetet e Bashkuara të Amerikës, duan ta shohin Ballkanin Perëndimor në unionin evropian.
“Ne do të mbështesim përpjekjet e Bashkimit Evropian për të sjellë Serbinë dhe Kosovën më afër bllokut dhe të punojmë me BE-në për të integruar pjesën tjetër të rajonit”, tha Escobar.
Ai ka theksuar se rajoni nuk duhet të përcaktohet vetëm nga çështjet politike.
“Qëllimi”, sipas Escobar, “nuk është vetëm njohja e ndërsjellë, por edhe anëtarësimi në Bashkimin Evropian”.
Të pranishëm në debat ishin i dërguari i Bashkimit Evropian për bisedimet Kosovë – Serbi, Miroslav Lajçak, Raportuesja e Parlamentit Evropian për Kosovën, Viola von Cramon-Taubadel si dhe Donika Emini nga organizata CiviKos.
Në fjalën e tij Lajçak, ka thënë se dialogu Kosovë-Serbi nuk është teknik, pasi çdo gjë në dialog është shumë politike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE