Ish lojtari i Ballkanit, i cili u transferua në Cluj të Rumanisë më 9 janar, do të bëjë debutimin sonte kundër Farul Constanta-s, të cilët janë në pozitën e parë në ligën rumune.
Kjo është ndeshje shumë e rëndësishme për Krasniqin dhe Cluj, pasi me një fitore eventuale, ata do të dalin në pozitën e parë me 47 pikë.
Sipas “Transfermarkt”, Krasniqi i ka kushtuar 375 mijë euro skuadrës së Cluj, i cili u transferua nga Ballkani.
Kujtojmë që Ermali ishte një nga futbollistët më të rëndësishëm në sukseset e Ballkanit, sidomos në aventurën evropiane.
Cluj ishte kundërshtar i Ballkanit në grupet e Ligës së Konferencës. Në ballafaqimet direkte – në ndeshjen e parë në Prishtinë, dyja skuadrat barazuan me shifrat 1:1, ndërkaq në ndeshjen e zhvilluar në Rumani, Ballkani u mposht me rezultat minimal 1:0.
Krasniqi është tjetër transferim ndër më të shtrenjtit nga futbolli kosovar, pas Arbnor Mujës që u transferua nga Drita në Antëerp për 400 mijë euro.
Sa i përket karrierës së Krasniqit, ai e nisi futbollin te skuadra e Feronikelit. 24-vjeçari më pas luajti për Malishevën, Ferizajin dhe Llapin, para se të transferohej te Ballkani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet