Enver Dugolli objektiv: “Kokorizni sa të doni se Liburni nuk korruptohet” – kërkon të hetohen edhe gazetarët
Një media në Kosovë ka publikuar një audio-përgjim përmes të cilit aludohet se Liburn Aliu, ministër i Infrastrukturës, apo dikush brenda ministrisë së tij, i afërt me të, është i përfshirë në një afër korruptive.
Për rastin Prokuroria e Kosovës ka filluar hetimet.
Por, Enver Dugolli, bashkëpartiak i Aliut dhe deputet i Kosovës, i ka dalur në mbrojtje ministrit duke ofenduar ata që po e dyshojnë situatën si një afër e mundshme korruptive.
“Liburn Aliun e njoh në kohë të vështira. E njoh atëherë kur disa bënin biznes me Serbinë dhe kritikonin ata që merrnin guximin të organizoheshin për të fituar lirinë”, shkruan Dugolli.
Problemi është se Dugolli mbrojtjen nuk e bën me fakte, por bazuar mbi përshtypjen e tij për karakterin e ministrit.
Si dëshmi të vetme jep, “sigurinë që ka ai”.
“Një gjë jam shumë i sigurt, për aq sa e njoh, dhe e njoh shumë mirë, Liburn Aliu nuk frikësohet e shantazhohet, e aq më më pak të korruptohet. E di që figura e pastër e Liburnit edhe mund t’i trembë disa, por s’kemi çka bëjmë, ai nuk do ua lag fytin askujt. Le të kokorizin sa të duan”.
Dugolli pohon se kjo s’është hera e parë që sulmohet mediatikisht Aliu.
“Çuditërisht, Liburnin u munduan ta pengojnë e ndalojnë edhe në fillim të mandatit (e që pastaj u vërtetua që nuk kishte asgjë të keqe, sepse kishte mbrojtur interesin publik), por ai nuk u ndal sepse e drejta mund të vonon por ajo triumfon”.
Në paragrafin e fundit të statusit të tij, Dugolli kërkon edhe hetim për gazetarët që e kanë publikuar lajmin.
“Dhe për fund, duke besuar plotësisht në punën e mirë dhe të ndershme të Liburnit, po dua të them; shumë mirë që kanë filluar hetimet, ama le të shkojnë deri në fund edhe ndaj atyre që për motive të ndryshme po tentojnë të njollosin figurën e tij”, deklaron ai.
Argumenti i Dugollit se njerëzit patriot që dikur kanë kontribuar për kombin nuk korruptohen, është rrëzuar qysh moti nga vetë kryeministri, Albin Kurti.
Kurti thoshte se ka shumë njerëz që i rezistojnë torturës, por nuk i rezistojnë dot lakmisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Gërvalla: Rusia aktualisht po kryen sulm hibrid ndaj Kosovës
-
Edhe Austria po planifikon të sjellë të burgosur në Kosovë
-
Udhëtimi sekret, rusja dhe vjedhja: Kush është ushtari amerikan i arrestuar në Vladivostok?
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Këlliçi çon Veliajn në SPAK, për lidhje me Ndrangheta-n
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Ardhja e Pahorit në vend të Lajçakut mund ta rikthejë idenë e shkëmbimit të territoreve