Spanja u eliminua nga Kupa e Botës në fazën çerekfinale nga Maroku, derisa pas eliminimit ata ndanë rrugët edhe me trajnerin e tyre, Luis Enrique-n.
Enrique së fundmi ka komentuar fazën gjysmëfinale të Botërorit, derisa ka thënë edhe të preferuarit te tij se kush duhet t’i shkojë deri në fund trofeut.
Trajneri 52-vjeçar tha se dëshira e tij është që Maroku ta fitojë trofeun, derisa shtoi se nuk e dëshiron një përsëritje të finales së Botërorit të kaluar.
“Nuk do kisha dashur një përsëritje të finales së vitit të kaluar Kroaci – Spanjë. Shpresoj që turneun ta fitojë Maroku, ndjej që Spanja humbi një shans të madh sepse kishim një grup shumë të mirë futbollistësh”, theksoi ish-trajneri i Spanjës.
Enrique tha se skuadra e tij ishte më e mira në këtë Botëror, derisa komentoi edhe rrugëtimin deri në fazën e 1/8-ve.
“Shoh skuadrat që janë në gjysmëfinale dhe kuptoj që askush nuk është më i mirë se ne, më vjen keq për futbollistët që u eliminuam”, shtoi trajneri spanjoll.
“Jemi përpjekur që t’i bindnim lojtarët që kishin një mundësi të shkëlqyer për të fituar dhe në fazën e parë treguam një nivel të mirë”. Pastaj kundër Marokut ishte e vështirë të shënoje gol”, tha mes tjerash Luis Enrique.
Kujtojmë që Maroku ishte ndër surprizat më të mëdha në këtë Kupë Botë.
Ata fillimisht dolën të parët në një grup ku bënin pjesë edhe Kroacia, Belgjika e Kanadaja.
Pastaj në fazën e eliminimit direkt, mposhtën Spanjën dhe Portugalinë, kurse në gjysmëfinale do të ballafaqohen me Francën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet