Pas Kuvendeve Komunal të Mitrovicës së Veriut, Leposaviqit e Zubin Potokut, edhe Kuvendi Komunal i Zveçanit ka votuar pro bashkimit të kësaj komune në Asociacionin e Komunave të Kosovës.
“Me iniciativën e asambleistëve të Lëvizjes Vetëvendosje, ashtu si Zubin Potoku dje, edhe Kuvendi Komunal i Zveçanit sot votoi pro bashkimit të kësaj komune në Asociacionin e Komunave të Kosovës”, thuhet në njoftimin e Lëvizjes Vetëvendosje.
Ndryshe një ditë më parë votimin pro të Kuvendeve Komunale të Leposaviqit dhe Zubin Potokut për bashkimin në Asociacionin e Komunave të Kosovës e kishte njoftuar nënkryetari i Lëvizjes Vetëvendosje në Mitrovicë, Alban Uka.
“Pas Komunës së Leposaviqit edhe Komuna e Zubin Potokut i bashkohet Asociacionit të Komunave të Kosovës, përmes votimit që sapo ndodhi në Kuvendin Komunal të Zubin Potokut. Na priftë e mbara!”, kishte shkruar ai në rrjetin e tij social në Facebook.
Nga të katër komunat deri më tani vetëm Mitrovica e Veriut është anëtarësuar në këtë Asociacioni, meqë Kuvendi Komunal i Mitrovicë së Veriut kishte votuar pro bashkimit qysh në muajin qershor.
Asociacioni i Komunave të Kosovës është formuar në vitin 2001 pas zgjedhjeve të para demokratike komunale. Themelimi i Asociacionit të Komunave të Kosovës është mbështetur në nenin 10 të Kartës Evropiane të Vetëqeverisjes Lokale në kuadër të Këshillit të Evropës.
Për votimin pro të Kuvendeve Komunale të Komunave në Veri për anëtarësim në Asociacionin e Komunave të Kosovës kishte reaguar edhe Lista Serbe, duke theksuar se vendimet e tilla po merren “me qëllim të thellimit të krizës dhe shkaktimin e tensioneve në Kosovë dhe përkundër kërkesave të serbëve e Bashkimit Evropian e Shteteve të Bashkuara të Amerikës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zgjedhjet Evropiane, dilema e Melonit mes PPE dhe Salvinit
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Sela porosi “kukullave” të Mickoskit: S’do të lejojmë që të përbuzet sakrifica e dëshmorëve
-
Thaçi, simpatizuesve të “Frontit Evropian”: VLEN-it duhet t’i jepni grusht, s’keni arsyeje ta votoni
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit