Data shënonte 10 tetor 2009 dhe një mrekulli do regjistrohej para 10-çit më të fortë të historisë së futbollit, Diego Armando Maradona, në petkun e trajnerit.
Protagonist do të ishte sulmuesi legjendar Martin Palermo, në stadiumin “Monumental” të River Plate.
Pasditja ishte e zymtë dhe e kapluar tërësisht nga grija e reve, por atmosfera festive ndriçoi gjithçka.
Ishte ndeshja e fundit e Argjentinës në shtëpi në kuadër të kualifikueseve për Botërorin “Afrika e Jugut 2010”.
Askush nuk e imagjinonte se çfarë do të ndodhte më pas, madje as futbolldashësi më i çmendur.
Pjesa e parë ishte e qetë, me raste të pastra, por që Argjentina nuk mundi t’i konkretizonte.
“Hajde djema”, bërtiste Maradona nga pankina. Të gjithë u çmendën me ritmin e “Olé, olé, olé, olé, Diego, Diego” në çdo lëvizje të 10-çit.
Pas pushimit, Kombëtarja u duk më e motivuar dhe goli i parë erdhi nga djaloshi “i shtëpisë” Gonzalo Higuaín.
Pas klithmës së egër, tifozët vazhduan të thërrisnin: “Jepi, jepi Argjentinë”. Gjithçka ishte gëzim dhe festë.
Por befas, muzgu përfshiu humorin dhe botën e argjentinasve.
Loja tashmë po përfundonte. 45 minuta e pjesës së dytë: gol nga Peru-ja.
Monumentali u shua i gjithi në heshtje.
Shiu filloi të binte më intensivisht dhe njerëzit ikën të tmerruar dhe pa shpresë: kishin mbetur jashtë Kupës së Botës.
Sepse ëndrra kishte marrë fund. Fusha ishte gjysmë bosh dhe perdja e shiut pengonte të shihte se çfarë po ndodhte.
Dhe ai që nuk dorëzohet kurrë, që nuk jep asgjë për humbjen, pa shansin e fundit.
Një pasim mjeshtëror nga “Pocho” Insúa ishte sinjali që rroku Martín Palermo për të bërë atë që dinte më mirë: një gol të pamundur.
Papritur të gjithë filluan të bërtasin dhe të përqafonin njëri-tjetrin.
Askush nuk mund ta shihte golin.
Ishte Maradona që u rrek të zhytej në pellgjet më ujë që i bëri tifozët të kuptonin se çfarë po ndodhte.
Atë ditë, ndodhi dy herë e pamundura.
Tifo-grupi më famëkeq i River Plate, “Los Borrachos del Tablón” nuk mundi të përmbahej dhe bërtiti “Paleeeermo, Paleeeermo”.
Ata po ngrinin në qiell ikonën e rivalëve të përjetshëm Boca Juniors, të mbiquajtur “Titani i çmendur”.
Por, tek e fundit, kush diti tjetër përveç tij, që të bëjë gjëra të pamundura?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE