Andriy Shevchenko ka qenë një nga lojtarët më të njohur në arenën ndërkombëtare të futbollit. Ish-sulmuesi i Milan-it dhe Chelsea-t koleksionoi disa trofe në karrierë, mes të cilëve edhe Topin e Artë në vitin 2003 dhe Ligën e Kampionëve.
Padiskutim arritjet e Shevës në futboll bëjnë krenarë kombin e tij, por ai në Ukrainë do të mbahet mend gjatë për dy arritje të mëdha që i ka bërë futbollit të atij vendi.
Fillimisht, le të kthehemi në vitin 2006. Në Kupën e Botës që u mbajt në Gjermani në këtë vit mori pjesë edhe Ukraina, ku Sheva ishte sulmuesi kryesor.
Ukraina ishte pjesë e Grupit H, së bashku me Spanjën, Arabinë Saudite dhe Tunizinë. Ukrainasit ia dolen të dilnin të dytët në grup, me dy fitore dhe një humbje. Shevchenko shënoi golin e fitores ndaj Tunizisë dhe një nga katër golat që u shënuan përballë Arabise Saudite.
Me kalimin e grupit, në raundin e të 16-ve, Ukraina u përballë me Zvicrën. Ndeshja përfundoi në barazim pa gola, por ukrainasit fituan pas gjuajtjes së 11 metërshave 3-0.
Sheva humbi penalltinë e parë, por shokët e tij u treguan të saktë, duke shënuar, ndërsa zvicerianët humben tre penallti. Pasi mposhti Zvicrën, Ukraina u kualifikua për herë të parë në histrinë e saj në çerekfinalet e Kupës së Botës, ku u mposht nga Italia kampione me rezultatin 3-0.
Por, kjo arritje ishte padiskutim edhe falë meritës së sulmuesit që përveç golave, kishte një peshtë të madhe në skuadër dhe ishte një emër që trembëte mbrojtjen kundërshtare.
Sheva u tërhoq nga futbolli i luajtur në vitin 2012 dhe në 2016 filloi karrierën si ndihmës trajner te Ukraina dhe pak muaj, kaloi si trajner i parë.
Aktualisht Sheva me Ukrainën e tij janë në Euro 2020. Pasi arriti kualifikimin pa asnjë humbje, në Euro 2020, Ukraina me në krye 44-vjeçarin, tanimë do të luajë në çerekfinale, ku përballë do të ketë Anglinë.
Kjo është hera e parë që Ukraina kualifikohet në çerekfinalen e një Kampionati Evropian. Dhe Sheva është përsëri aty, ku skuadra e tij kombëtare ka një arritje kaq të madhe në futboll, ndonëse kësaj radhe i udhëheq nga pankina e jo nga fusha.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur