Delegacioni i Belgjikës: Kosova duhet të jetë anëtare e asociuar e Asamblesë së Përgjithshme të NATO-s
Kryetari i delegacionet belg në Asamblenë Parlamentare të NATO-s, Theo Francken, ka deklaruar se Belgjika është pro anëtarësimit të Kosovës në Asamblenë Parlamentare të NATO-s si anëtare e asociuar.
Këtë deklaratë Francken e bëri gjatë një takimi me Parlamentin Federal të Belgjikës në Kosovë.
“Kosova mund dhe duhet të jetë anëtare e asociuar e Asamblesë së Përgjithshme të NATO-s, ky do të ishte një hap i mirë i integrimit. AP-ja e NATO-s e ka të rëndësishme ta diskutojnë stabilitetin dhe sigurinë në Ballkanin Perëndimor, kjo mbetet prioritet për ne”, tha Francken në konferencën për media pas takimit.
Kurse gjatë konferencës për media përfaqësuesi i delegacionit të Kuvendit të Kosovës, deputeti nga Lëvizja Vetëvendosje, Driton Hyseni, ka shprehur “falënderime për përkrahjen nga delegacioni i Belgjikës”.
Teksa bëri të ditur se tre deputetet e Parlamentit të Belgjikës e konfirmuan se e përkrahin Kosovën për integrim në Bashkimin Evropian dhe NATO.
“Përnjëmend Kosova të mos ndihet e lënë anash, por të jetë pjesë e familjes së vlerave evropiane, ashtu siç jemi”.
Ndërsa aktualisht me delegacionin e Belgjikës takimin e ka nisur kryetarin e Kuvendit të Kosovës, Glauk Konjufca.
Më vonë është bërë e ditur se do të ketë takim edhe me kryetarët dhe zëvendëskryetarët e Komisionit për Mbrojtje dhe Siguri, Komisionit për Punë të Jashtme dhe Diasporë dhe Komisionit për Integrim Evropian.
Aktualisht, Kuvendi i Kosovës është pjesë e kësaj Asambleje Parlamentare si “delegacion vëzhgues”, njëjtë si Australia, Egjipti, Japonia, Koreja e Jugut, Kazakistani, Palestina dhe Tunizia. Ndërsa, Shqipëria, Mali i Zi, Maqedonia e Veriut janë delegacione anëtare.
Nëse Kosova, bëhet anëtare e këtij organi si delegacion i asociuar, ajo do t’i bashkohej Serbisë dhe Bosnjes dhe Hercegovinës nga rajoni.
Vizita e delegacionit belg vjen në një kohë tensionesh në Veri të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë
-
Vendosja e kamerave në Veri “përplasë” Qeverinë me Listën Serbe
-
Kodi Civil si kundërpeshë e Asociacionit? – Premtimi i Kurtit për ta amortizuar presionin ndërkombëtar
-
Pahor: Po përgatisë draft-planin tim për dialogun Kosovë – Serbi