Çmimi rekord i portreti të Marilyn Monroe

Imazhi më i famshëm i Marilyn Monroe i cili është pikturuar nga i ndjeri Andy Warhol, po del në bllokun e ankandit dhe pritet të jetë një rekord me vlerë prej 200 milionë dollarë.

Shtëpia e ankandit Christie’s në Londër po e nxjerr pikturën në ankand në maj dhe çmimi i saj do ta bënte atë veprën më të shtrenjtë të artit në shekullin 20-të, të shitur ndonjëherë.

Rekordi aktual për pikturën e shitur më të shtrenjtë është 179.4 milionë dollarë për “Les Femmes d’Alger” të Pablo Picasso në 2015.

Ndërkohë rekordi aktual i ankandit për një vepër të Warhol mbahet nga “Silver Car Crash (Double Disaster)”, i cili përshkruan pasojat e një përplasjeje rrugore dhe u shit për më shumë se 105 milionë dollarë gati një dekadë më parë.

Duke përdorur një teknikë të quajtur silkscreen printing, e cila kopjon imazhet në letër ose kanavacë duke përdorur një shtresë mëndafshi me rrjetë të hollë si një shabllon, portreti u bë në vitin 1962, menjëherë pas vdekjes së Monroe.

Gjithashtu, njihet si “Shot Sage Blue Marilyn” ka 5 versione të tjera në këtë seri Monroe, secila në një ngjyrë të ndryshme.

Ai vjen nga një koleksion në pronësi të vëllezërve dhe motrave zviceranë, dhe të gjitha të ardhurat do të shkojnë për fondacionin e tyre “Thomas and Doris Ammann”, i cili përfiton kauzat e fëmijëve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.