Cila është arsyeja pse Manchester United nuk bëri transferime në janar?

Para fillimit të afatit kalimtar të janarit, të gjithë pritën që Manchester United të bënte disa transferime.

Mirëpo, djajtë e kuq funksionuan vetëm në largime, duke mos sjellur asnjë emër të ri në skuadër.

Largimi i Solskjaer, dhe ardhja e Rangnick, i la të gjithë me idenë që do të ketë ndryshime edhe në përbërjen e djajve, por kjo nuk ndodhi.

Sipas raportimeve të fundit, ka një arsye pas shterpësisë së United gjatë muajit të parë të vitit 2022.

Bëhet fjalë për trajnerin e ri.

Djajtë e kuq janë të vetëdijshëm që një emër i ri do të ulet në stolin e klubit gjatë verës, andaj ata nuk dëshiruan që të kryejnë transferime në janar që mund të mos i pëlqejnë trajnerit të ri.

Trajneri aktual, Ralf Rangnick, është edhe një tjetër arsye pse kjo gjë ndodhi.

Pas këtij gjashtë mujori, Rangnick do të jetë drejtor sportiv i Manchester United, pra përgjegjës për të gjitha transferimet e klubit.

Ai mendon që klubi mund të funksionojë kështu siç është deri në fund, pastaj gjatë verës do të vlerësohet situata për lojtarët.

Gjatë këtij dimri, United-it iu ofrua Denis Zakaria, që më vonë u transferua te Juventus.

Përveç Zakaria-s, djajve iu është ofruar edje Boubacar Kamara dhe Julian Alvarez, por të dy u refuzuan.

Kjo është edhe arsye pse Donny Van De Beek dhe Anthony Martial, thjesht u huazuan, duke mos u shitur.

United dëshiron që me trajnerin e ri të nis edhe një epokë tjetër, por se cili do të jetë ai, ende nuk dihet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.