Budanov, një jetë të tërë i kërkuar – ka filluar gjuetia ndaj kreut të spiuneve të Kievit

Kur inteligjenca ruse dy ditë më parë e identifikoi gjeneralin ukrainas, Kirlo Budanov, si nxitësin e masakrës së Moskës, nuk e ktheu atë në shënjestër, sepse ai ka qenë tashmë shënjestër për një kohë të gjatë.

Në vitin 2019 ai i shpëtoi një sulmi, ku një person i armatosur rus që po vendoste një bombë nën makinën e tij bëri një gabim dhe e shpërtheu atë herët.

Budanov më pas u bë drejtor i inteligjencës ushtarake të Ukrainës (GUR) dhe në atë rol ai i mbijetoi, sipas zëdhënësit të agjencisë, “më shumë se një duzinë tentativash për vrasje”.

Arsyeja e këmbënguljes vrastare të Rusisë është e lehtë për t’u kuptuar.

Në fillim të pushtimit, GUR zbuluoi paraprakisht planet ushtarake të Kremlinit dhe me një betejë të zhvilluar në kushte emergjence në aeroportin Hostomel, tridhjetë minuta nga qendra e Kievit, ndaluan sulmin ajror nga parashutistët rusë që do të kishin hapur dyert e kryeqytetit.

Me besueshmërinë e fituar në terren atë ditë, Budanov konceptoi dhe drejtoi një sekuencë fushatash kundër sistemit të Putinit, të cilat mund të përmblidhen në disa raste.

Si fillim ai luan vrasësin rus më mirë se vrasësit rusë.

Ka të ngjarë që GUR të qëndronte pas vrasjes së Valden Tatarsky, propagandistit pro-Putin të vrarë nga një bombë e fshehur brenda një statuje dhuratë, dhe gjithashtu pas vrasjes së Daria Dugina-s, vajzës së Alexander Dugin – një tjetër objektiv simbolik.

Budanov rekruton dhe menaxhon kontigjente vullnetarësh të huaj, duke përfshirë ekstremistët e djathtë rusë, të cilët pushtojnë rajonin e Belgorodit të Rusisë çdo disa muaj.

Ai mban kontakte me njësitë partizane klandestine që kryejnë sabotim në Ukrainën e pushtuar.

Dhe ai drejton programe sekrete për lëshimin e dronëve në territorin rus, deri në Moskë, dhe dronët detarë që gjuajnë dhe fundosin anijet luftarake në Detin e Zi.

Në dy vjet, Budanov është bërë kampioni misterioz në sytë e publikut që mbron Ukrainën nga të gjitha mjetet: operacionet e tij nxisin moralin e popullsisë.

Shërbimet sekrete ruse po ndjekin gjeneralin ukrainas, i cili jeton pothuajse si i arratisur.

Selia e GUR, në një ishull në mes të lumit Dnipro në Kiev, ishte objektivi i bombardimeve me raketa.

Në nëntor, gruaja e tij Marianna Budanova u shtrua në spital për helmim që mendohej se kishte për qëllim kryesisht atë.

Më pas ai u shërua.

Të dy ishin takuar vite përpara pushtimit, kur ajo, e cila punon si psikologe, po shërbente si infermiere dhe ai ishte një ushtar i plagosur gjatë një bastisjeje.

Deri më sot, helmimi ishte përpjekja më shqetësuese, sepse tregon se shërbimet ruse arrijnë të depërtojnë edhe në bazën ku Budanovët kalojnë pothuajse të gjithë kohën e tyre.

Nëse do të kishte pasur sukses, do të kishte qenë një vrasje e një metode të përdorur në raste të tjera të njohura, dhe mes tyre ishte edhe Alexei Navalny, kundërshtari më i famshëm i Putinit.

Marrë nga “Repubblica” përshtatur për Albanian Post 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.