Tregtia midis Mbretërisë së Bashkuar dhe Bashkimit Evropian u rikuperua pjesërisht gjatë muajit shkurt. Kjo erdhi pas një rënie të madhe pas Brexit-it, në janar.
Shifrat zyrtare tregojnë se eksportet në BE u rritën deri në 46.6%, megjithëse kjo erdhi pas rënies në muajin janarit sepse firmat patën vështirësi me rregullat e reja të tregtisë.
Shifra të tjera nga Zyra Kombëtare e Statistikave (ONS) treguan se ekonomia e MB u rrit me 0.4% në shkurt.
Sidoqoftë, ONS tha se ekonomia ishte akoma 7.8% më e ulët ajo e një viti më parë, para se të godiste pandemia.
“Ekonomia tregoi një farë përmirësimi në shkurt pas rënies së madhe të parë në fillim të vitit, por mbetet rreth 8% nën nivelin e saj para-pandemik,” tha një zëdhënës i ONS-it.
“Eksportet në BE u rikuperuan ndjeshëm në janari, megjithëse mbeten ende nën nivelet e vitit 2020. Sidoqoftë, importet nga BE ende nuk janë në nivelin e dëshirueshëm sepse një numër çështjesh po pengojnë tregtinë”.
Sarah Hewin, nga Standard Chartered Bank, tha për programin “Today” të medias BBC, se perspektiva për ekonominë në Mbretërinë e Bashkuar po përmirësohej.
“Besimi duket se po rritet ndërsa vaksinimet po shtohen. Ne e dimë që familjet i kanë ruajtur kursimet e tyre në shumë raste gjatë bllokimeve. Ndërsa masat po lehtësohen, njerëzit do të jenë në gjendje të dalin dhe t’i shpenzojnë ato kursime. Kjo do të jetë e madhe nxitje në ekonomi”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Çfarë përfiton Tajvani nga paketa e ndihmës së huaj?
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
