Joe Biden, presidenti i Shteteve të Bashkuara të Amerikës, ka shpallur emergjencën në Kaliforni dhe ka urdhëruar ndihmë federale për të rritur përpjekjet e reaguesve lokalë për të luftuar zjarrin në Caldor.
Kështu ka bërë me dije Shtëpia e Bardhë të mërkurën e 1 shtatorit.
Kjo lëvizje e presidentit amerikan ka ardhur pas ndezjes së zjarrit në zonën e Sierra Nevada-s që nga mesi i muajit gusht dhe që ende kërcënon shtëpitë dhe bizneset pranë liqenit Tahoe.
Situata është përkeqësuar për shkak të erërave të forta dhe thatësirës, të cilat kanë nxitur edhe më shumë përhapjen e zjarrit në vend.
Ndërkohë, Shtëpia e Bardhë ka sqaruar se reagimi i Biden-it autorizon koordinimin e masave të ndihmës nga fatkeqësitë prej Departamentit të Sigurisë Kombëtare dhe Agjencisë Federale të Menaxhimit të Emergjencave (FEMA).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
KFOR-i mohon pretendimet se “negocioi” tërheqjen e grupit të Radoiçiçit nga Banja
-
Pajisja me dokumentacion për mjetet lundruese, domosdoshmëri për një sezon të sigurt
-
Vendet e NATO-s duan të mbrohen nga Putini me një “mur me dronë”
-
Gjykata e Lartë lë në fuqi vendimin, Izet Haxhia dënohet me 21 vite burg