Bernardo Silva afër transferimit te Barcelona

Manchester City janë të gatshëm ta lënë Bernardo Silvën të largohet nga klubi gjatë verës, me Barcelonën që thuhet se është e interesuar për yllin portugez, sipas Sport.

Raporti zbulon se mesfushori po kërkon të përmirësojë pagën e tij, ndërsa City po kërkon të arkëtojë 28-vjeçarin përpara se kontrata e tij të skadojë në qershor 2025.

Drejtori sportiv Txiki Begiristain thuhet se e informoi Silvën në një takim të fundit se ai mund të largohet nga klubi nëse dëshiron dhe besohet se kampionët e Premierligës i kanë thënë agjentit të tij, Jorge Mendes, se do të pranojnë oferta transferimi prej 65 milionë funtesh.

Barcelona ka qenë prej kohësh admirues të Silvës, duke u përpjekur të nënshkruajë me portugezin në disa raste, duke përfshirë edhe merkaton e fundit të janarit, megjithëse trajneri i City-t, Pep Guardiola, hezitoi të linte një lojtar të rëndësishëm të largohej nga Etihad në mes të sezonit.

Megjithatë, ndërsa mendohet se Silva është i etur për t’iu bashkuar projektit në Barcelonë nën menaxherin Xavi Hernandez, financat do të jenë një problem për palën katalanas, të cilët po përpiqen të qëndrojnë brenda kufizimeve të vendosura ndaj tyre.

Barcelonës i është thënë nga presidenti i La Liga-s, Javier Tebas se duhet të shkurtojë 200 milionë euro nga fatura e pagave përpara sezonit të ardhshëm, duke e bërë të vështirë një marrëveshje të mundshme për mesfushorin e Man City.

Ndërsa City duket se është i kënaqur me lejimin e Silvës të largohet, mesfushori i lindur në Lisbonë ka luajtur një rol kyç në skuadër këtë sezon, duke u paraqitur 37 herë në të gjitha garat, duke shënuar katër gola në proces.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.