Drita është mposhtur në shtëpi nga Trepça’89, në kuadër të xhiros së 20-të në Superligën e Kosovës.
Mitrovicasit arritën shpejtë ta gjejnë rrugën e rrjetës me anë të Zeki Ademit, i cili shënoi gol në minutën e 14-të.
Pas tentativave të shumta të vendasve për të barazuar rezultatin, ishte Adenis Shala që e dyfishoi epërsinë e mysafirëve në sekondat e fundit të pjesës së parë.
“Intelektualët” pas sulmeve të shpeshta gjatë tërë pjesës së dyte, vetëm në minutën e 80-të arritën që ta ngushtojnë epërsinë me anë të sulmuesit Kastriot Rexha, i cili shënoi për rezultatin përfundimtar 1:2.
Me këtë humbje, Drita mbetet akoma në krye të tabelës me 44 pikë, mirëpo nëse Ballkani të dielën fiton ndaj Feronikelit, atëherë do barazoheshin me pikë.
Trepça’89 me tre pikët e fituara, ngjitet në vendin e pestë në tabelë me 25 pikë.
Ndeshja tjetër që u zhvillua të shtunën në Superligë, ishte në mes te Drenicës dhe Besës e cila u mbyll me rezultat 0:0.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet
