Bashkimi Evropian (BE) ka paralajmëruar Iranin se po rrezikon marrëveshjen bërthamore të arritur mes palëve në 2015, të quajtur Plani i Përbashkët Gjithëpërfshirës i Veprimit (JCPOA) .
Irani ka kerkuar te filloje prodhimin e uraniumit ne 20%.
Në 2018, me vendim të presidentit, Donald Trump, Shtetet e Bashkuara të Amerikës u tërhoqën nga JCPOA. BE-ja ka bërë përpjekje të vazhdueshme diplomatike për të rikthyer SHBA-në në këtë marrëveshje.
Javën e kaluar, Irani ka kërkuar të fillojë prodhimin e uraniumit në 20%, kur në bazë të marrëveshjes, JCPOA, pastërtia e uraniumit të prodhuar në Iran, nuk mund të jetë më shumë se 4.68%.
Irani ka argumentuar se nuk është më i detyruar të respektojë kufinjtë e përcaktuar në paktin e nënshkruar mes palëve.
Argumenti i Iranit qëndron në faktin se ishin SHBA të parët që shkelën paktin duke u tërhequr nga marrëveshja në 2018.
Tërheqja e SHBA-së nga pakti u pasua me sanksione të vendosura ndaj Iranit.
Marrëveshja JCPOA i ofronte Iranit stimuj ekonomikë në këmbim të ndalimit të programit të tij bërthamor.
Kina, Franca, Gjermania, Rusia dhe Britania e Madhe si shtete pjesëmarrëse në pakt, janë përpjekur t’i sigurojnë Iranit ndihmën ekonomike të parashikuar sipas paktit.
Presidenti i zgjedhur, Joe Biden, ka thënë se do të kthejë SHBA-në në marrëveshje, e cila u negociua kur ai ishte zëvëndëspresident.
BE-ja i ka bërë Iranit thirrje për qetësi dhe për kujdes ndaj një përshkallëzim të mëtejshëm të situatës./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
BQK: Vlera e kredive të reja për muajin mars arriti gati 300 milionë euro
-
FMN e BB vlerësojnë qëndrueshmërinë e Shqipërisë: Mbështetje dhe financim për reformat
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Raportet ndërkombëtare që shkërmoqën propagandën qeveritare