Kryeministri Edi Rama ka shkuar për homazhe në përkujtimoren e Luigj Gurakuqit në Bari.
“Homazh në përkujtimoren e vendosur në vendin ku humbi jetën shqiptari i madh, Luigj Gurakuqi”, shkruan Rama në Facebook.
Rama është shoqëruar në homazhe nga kryetari i Bashkisë së Barit, Antonio Decaro. Ministrat, që po shoqërojnë Ramën gjatë turit, ishin gjithashtu të pranishëm. Arben Ahmetaj, Ogerta Manastirliu dhe Evis Kushi janë pjesë e vizitës në Puglia.
Luigj Gurakuqi u vra më 2 mars 1925, në një kafene në Bari.
Gurakuqi ishte një ndër personazhet kryesore të shpalljes së Pavarësisë së Shqipërisë më 1912-ën. Në qeverinë e përkohshme të Vlorës, ai u zgjodh si ministër i Arsimit. Vendimi i tij më i rëndësishëm, ishte ai i bërjes së detyrueshëm të arsimit për djem dhe vajza.
Vitet 1921-1924, e panë Gurakuqin si deputet të Shkodrës. Ndër çështjet më të forta që ai mbrojti, ishte ai i mbrojtjes së viseve shqiptare në Kosovë, që po vuanin shtypjen e Mbretërisë Serbo-Kroato-Sllovene.
Mbrëmjen e 2 marsit 1925, Balto Stamolla, kushëri i largët i Gurakuqëve, zbrazi tre plumba mbi figurën e lartë shqiptare, duke e lënë të vdekur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
LDK-ja s’e pranon “instrumentalizimin” e opozitës: Dorëheqja e Kurtit duhet t’i paraprijë datës së zgjedhjeve
-
Reforma e inspektimeve, Rama: Krijojmë një forcë të re autonome të shkëputur nga ministritë
-
Sulm në autokolonën e burgut, dy oficerë francezë të vrarë në një pritë pranë Normandisë
-
Dikur ftonte të votohej Joe Biden, tash Kurtit i ndryshojnë preferencat politike në Amerikë
