Kampioni i Kosovës në futboll, FC Ballkani, është nisur gjatë ditës së sotme (e hënë) për në Lituani, për ta zhvilluar ndeshjen e kthimit në fazën e parë të Ligës së Kampionëve.
Ballkani do të përballet në udhëtim me kampionin e këtij vendi, FK Zalgiris, në ndeshjen e dytë, derisa ajo e para e zhvilluar në Prishtinë një javë më parë, përfundoi me rezultat të barabartë, 1:1.
Vlen të ceket se ndeshja e parë e zhvilluar në stadiumin “Fadil Vokrri” ishte thuajse tërësisht e dominuar nga ekipi nga Theranda, por ata nuk mundën të dalin me fitore nga ajo ndeshje.
Kështu që ekipi i drejtuar nga trajneri, Ilir Daja, do të tentojë fitoren në udhëtim, për ta kaluar raundin e parë në këtë garë.
Së bashku me ekipin ka udhëtuar edhe kryetari i Komunës së Suharekës, Bali Muharremaj për t’i përkrahur nga afër djemtë e qytetit që të kalojnë në raundin tjetër të Ligës së Kampionëve.
Zalgiris dhe Ballkani përballen të martën me fillim nga ora 18:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet