Kryeministri i Shqipërisë, Edi Rama, do të takohet të dielen me presidentin e Serbisë, Aleksandar Vuçiç dhe kryeministrin e Maqedonisë së Veriut, Dimitar Kovaçevski, në kuadër të nismës rajonale “Ballkani i Hapur”, transmeton Radio Televizioni i Serbisë.
Ata do ta vizitojnë Panairin Ndërkombëtar të Verës “VinItaly 2023” në Verona dhe raportohet se më tepër se 200 verërat më të mira nga Shqipëria, Serbia e Maqedonia e Veriut do të prezantohen në “VinItaly”.
Fillimisht raportohet se ata do të takohen afër një liqeni jo shumë larg Veronës dhe do të prezantojnë rezultatet më të rëndësishme të nismës “Ballkani i Hapur”, si dhe planet që do t’ua lehtësojnë jetën qytetarëve dhe biznesmenëve të rajonit.
Gjithashtu, thuhet se tre liderët ballkanikë bashkë me ministrin e Jashtëm të Italisë, Antonio Tajani, nesër (3 prill) do të vizitojnë vendin ku do të ekspozohen verërat nga vendet anëtare të iniciativës “Ballkani i Hapur”.
Ndryshe, në kuadër të Ballkanit të Hapur, në Beograd, në shtator të vitit të kaluar u mbajt Panairi i Verës, ku morën pjesë 22 kantina prodhuese shqiptare të verërave si dhe kantina nga Serbia dhe Maqedonia e Veriut.
Panairi i Verës në Beograd shërbeu jo vetëm për promovimin e kantinave, por dhe si një urë lidhëse mes prodhuesve të rajonit dhe vizitorëve ndërkombëtar, shkëmbim të eksperiencës në prodhim dhe si një mekanizëm më shumë për të eliminuar barrierat në tregtinë rajonale mes tre vendeve.
Iniciativa “Ballkani i Hapur” është vazhdimësi e “mini-Shengenit” ballkanik. Kosova është shteti i vetëm në Ballkanin Perëndimor që ka refuzuar pjesëmarrjen në çfarëdo cilësie – të paktën deri më tani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës