“Ashpërsimi i retorikës serbe dhe prania e theksuar e ndikimit të aksit anti-Kosovë përmes Serbisë, përbën rrezik real për sigurinë në rajon”.
Kështu është deklaruar Ministrja e Punëve të Jashtme dhe e Diasporës, Donika Gërvalla gjatë takimit me Komandantin e KFOR-it, gjeneralmajorin Ferenc Kajar, duke potencuar se për këtë problematik duhet një përgjigje e përbashkët.
Gërvalla, duke i dëshiruar mirëseardhje në Kosovë komandantit të ri të KFOR-it, theksoi rolin kyç që ka ky i fundit në ruajtjen e sigurisë dhe paqes në Kosovë dhe rajon.
“Shpreh gatishmërinë e institucioneve të Kosovës për të qenë në bashkëpunim të vazhdueshëm me KFOR-in”, ka thënë Gërvalla.
Kryediplomatja kosovare ka informuar gjeneralmajorin Kajari edhe me angazhimin e institucioneve të Kosovës në drejtim të forcimit të sundimit të ligjit.
Komandanti i KFOR-it, Gjeneralmajori, Ferenc Kajar ditë më parë në një intervistë kishte deklaruar se situata aktuale e sigurisë në Kosovë është stabile dhe se KFOR-i vazhdon të zbatojë në bazë ditore mandatin e tij.
Komandanti hungarez, ka bërë të ditur se KFOR-i ka mirëpritur marrëveshjen e fundit në Bruksel që zgjodhi situatën në Veri pas vendosjes së masës së reciprocitetit për targat nga ana e Qeverisë së Kosovës.
Ai madje ka potencuar se ata e mbështesin me vendosmëri dialogun dhe përpjekjet e tjera që synojnë normalizimin a marrëdhënieve ndërmjet Kosovës dhe Serbisë.
Me 15 tetor të këtij viti, gjeneralmajori hungarez, Ferenc Kajar, ishte emëruar komandanti i ri i KFOR-it.
Kështu duke e zëvendësuar, kolegun e tij Gjeneralmajorin italian, Franco Federici.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Jahjaga po bën më shumë përpjekje për shëndetësinë sesa Qeveria Kurti, thotë Haxhiu