Ambasadori i Federatës Ruse në Serbi, Aleksandar Bocan Kharchenko, gjatë ditës së diel u takua me Ministrin e Mbrojtjes së Serbisë, Nebojsha Stefanovic, ku edhe së bashku bënë një vizitë në garnizonin ushtarak të Rashkës, afër kufirit të Jarinjes.
“Ambasadori rus shprehu mbështetjen e Rusisë për pozicionin e Beogradit në lidhje me de- përshkallëzimin e situatës në Kosovë”, shkruan në një njoftim Ministria e Mbrojtjes së Serbisë.
Kharchenko ka deklaruar për mediat serbe se “kjo situatë, në Moskë ka shkaktuar shumë shqetësim”, dhe se e ka siguruar edhe Presidentin e Serbisë se Serbia gëzon mbështjetjen e Rusisë.
Ai ka thënë se “përgjegjësia për situatën i takon institucioneve të Prishtinës, për akumulimin e forcave në kufi dhe shkeljen dhe mospërmbushjen e marrëveshjeve”, thuhet në njoftim të MB-së serbe.
Bocan Kharchenko ndër të tjera ka thënë edhe se Ministri i Jashtëm rus Sergei Lavrov është aktualisht në Nju Jork dhe se është i bindur se ai do të përdorë pozicionin e tij dhe pozicionin e Rusisë në OKB për të qetësuar situatën në seancën e Asamblesë së Përgjithshme të Organizatës Botërore.
Sipas tij, “para se të veprojë Bashkimi Evropian, Rusia mjeshtërisht dëshiron që këtë situatë ta përdorë përmes shtrirjes së pushtetit të butë, dhe mbi të gjitha, të fitojë disa pikë në sy të qytetarëve të cilët besojnë se në rast të eskalimit të situatës, Rusia do të ‘intervenojë’ në konflikt”.
Kjo sipas ish-ministrit serb do të ishte gabim, sepse ajo është “një faktor i rëndësishëm të cilën ajo do ta përdor për të zgjidhur problemet e saj në Ukrainë. Kështu që, sot, vizita nga ana ruse, është fitore e dy anshme, dhe Serbia sigurisht se do t’i kthehet Brukselit për zgjidhje”.
Sipas Ministrisë së Mbrojtjes në Serbi, edhe të dielën u deklarua se forcat serbe janë vendosur brenda grupeve taktike që janë të vendosura në garnizonin në Rashkë, bazën ushtarake “Rudnica” dhe në drejtim të kalimit të Jarinjes.
Ministri serb i mbrojtjes Nebojsha Stefanovic deklaroi se “ushtria serbe është e gatshme t’i përgjigjet në çdo moment të gjitha sfidave që i janë vënë përpara, se ajo” do të “mbrojë njerëzit e saj dhe se progom ndaj serbëve nuk do të ndodhë përsëri”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Xhaferi: T’i tregojmë botës që s’jemi ne që bëjmë probleme, dilni votojeni “Frontin Evropian” më 8 maj
-
Vladimir Putin shkuli zemrën e një dreri për t’ia dhënë Silvio Berlusconit
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit