65 vёzhgues nga Asambleja Parlamentare(PA) e Organizatёs për Siguri dhe Bashkëpunim në Evropë(OSBE), do tё mbёrrijnё javёn e ardhshme, pёr zgjedhjet parlamentare nё Shqipёri.
Vëzhguesit e OSBE-së do të punojnë me kolegët nga zyra e OSBE-së për Institucionet Demokratike dhe të Drejtat e Njeriut dhe Asamblesë Parlamentare të Këshillit të Evropës.
Koordinator special i misionit do tё jetё nënkryetari i PA-së së OSBE-së dhe Shefi i Delegacionit të Azerbajxhanit, Azay Guliyev.
Ky i fundit u emёrua nga Kryetari i Përgjithshëm i Zyrës, Ministrja Suedeze për Punë të Jashtme, Ann Linde.
“Ne po presim me padurim të punojmë ngushtë me partnerët tanë të kahershëm, Zyrën e OSBE-së për Institucionet Demokratike dhe të Drejtat e Njeriut dhe Asamblenë Parlamentare të Këshillit të Evropës dhe të japim kontributin tonë në shoqërimin e rrugës demokratike të Shqipërisë”, deklaroi Guliyev.
Reinhold Lopatka, Kryetar të Komitetit të Përkohshëm Kundër Terrorizmit dhe Përfaqësues Special për Azinë Qendrore, do tё jetё lideri i delegacionit vëzhgues të OSBE-së.
“Vëzhguesit tanë do të ndjekin të gjitha udhëzimet përkatëse dhe do të marrin të gjitha masat paraprake për të siguruar sigurinë tonë, si dhe sigurinë e njerëzve që takojmë”, u shpreh Lopatka.
Delegacioni do tё vlerësojё zgjedhjet kundrejt angazhimeve demokratike të përfshira në Dokumentin e OSBE-së të Kopenhagenit 1990.
Vëzhguesit do t’i kushtojnë vëmendje të veçantë mjedisit të fushatës, kornizës ligjore, administrimit të zgjedhjeve, procedurave të ditës së zgjedhjeve dhe mbulimit nga media.
Ndёrkohё, deklarata paszgjedhore e gjetjeve dhe konkluzioneve paraprake do tё publikohet në një konferencë shtypi në Tiranë në 26 prill.
Ajo do të transmetohet drejtpërdrejt në faqen e internetit të AP, të OSBE-së, www.oscepa.org.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Shpërthimi i radhës nga Ilir Meta dhe synimi për të qenë koka e opozitës
-
Rama mbledh deputetët dhe ministrat për qeverisjen, korrupsionin dhe vizionin e ri 2030
-
Osmani s’ka hatërbetje me Kurtin edhe pse doli kundër tij: Kosovës i duhen miq për rrumbullakimin e shtetëformësisë – e ka mbështetjen paekuivokë