Njësia e anti-terrorizmit dhe agjencia e inteligjencës e e Pakistanit arrestuan shtatë të dyshuar për sulme ndaj muslimanëve suni.
Forcat policore sulmuan vendet e fshehta të një grupi militant shiit të jashtëligjshëm në provincën lindore të Punjab-it.
Ky grup pretendohej se donte të sulmonte udhëheqësit e grupeve rivale të muslimanëve suni.
Grupi u arrestua në tre bastisje të ndara në qytetet Sargodha, Khusab dhe Sahiwal.
Të dyshuarit drejtoheshin nga udhëheqësi i militantëve, Mehmood Iqba.
Forcat pakistaneze të sigurisë shpesh bëjnë arrestime të tilla.
Arrestimi erdhi pasi militantët suni vranë 11 minatorë shiitë, të rrëmbyer në Baluchistani-n jugperëndimor.
Minatorët e vrarë ishin nga komuniteti Hazara, i cili ka qenë në shënjestër në mënyrë të përsëritur nga militantët sunitë.
Protestat e shiitëve po vazhdojnë për ditën e pestë në Quetta.
Shiitët kanë kërkuar një goditje kundër grupit të jashtëligjshëm sunit të Sipah-e-Sahaba-s.
Ky grup akuzohet për vrasjen e shumë muslimanëve shiitë në Pakistan në vitet e fundit./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin