Presidentja e Kosovës, Vjosa Osmani, është takuar me presidentin e Guinea Bissau, Umaro Sissoco Embalo, me të cilin ka diskutuar për thellimin e mëtejshëm të marrëdhënieve mes Kosovës dhe Guinea Bissau.
Takimin e ka bërë të ditur Osmani përmes një shkrimi në rrjetin social ‘X’.
“Gjatë takimit tonë të pestë së bashku, diskutuam për potencialin e thellimit të mëtejshëm të marrëdhënieve midis dy vendeve tona”, ka shkruar ajo.
Always a pleasure to meet with the President of Guinea-Bissau, @USEmbalo.
During our fifth meeting together, we discussed the potential of further deepening relations between our two countries. 🇽🇰🇬🇼 pic.twitter.com/IKEuvHsoT5
— Vjosa Osmani (@VjosaOsmaniPRKS) March 1, 2024
Takimet e ambasadorëve të Kosovës me përfaqësues të shteteve afrikane janë shpeshtuar muajve të fundit pasi Aleksandër Vuçiç, presidenti i Serbisë, javë më parë kishte pretenduar se nëntë shtete, kryesisht nga Afrika, tashmë kanë ndryshuar pozicion në raport me shtetësinë e Kosovës, në mesin e tyre ishte edhe Guinea Bissau.
Osmani, këtë të premte ka udhëtuar për në Turqi, pasi ka marrë pjesë në Forumin Diplomatik të Antalisë.
Lajmi ishte bërë i ditur nga presidenca, derisa kanë njoftuar se ftesa i është bërë nga presidenti turk Recep Tayyip Erdogan.
“Gjatë Forumit, Presidentja Osmani do të jetë folëse në panelin kryesor të liderëve, me temën e forumit të sivjetëm: ‘Avancimi i diplomacisë në kohë trazirash’”, thuhet në njoftim.
Gjatë punimeve të Forumit, Osmani do të takohet edhe me homologë nga disa vende të botës, pjesëmarrës të forumit.
Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë dhe akademikë. Forumi i sivjetëm do t’i zhvillojë punimet prej 1deri më 3 mars.
Osmani në Forumin e Antalisë: Zgjodhëm dialogun si mënyra e vetme paqësore
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kompanitë privatët ia kalojnë HEC-eve shtetërore, sipas bilancit të tremujorit të parë
-
Mesazhet e fuqishme rreth efekteve të luftës në Ukrainë, gjatë performancës në Eurovision
-
Vuçiç: Scholzin e informova për gjendjen e patolerueshme të serbëve në Kosovë
-
Rikthehen ndarjet rreth Unionit të Tregjeve të Kapitalit në Eurogroup
Lajmet kryesore
-
Rama i shpërfill akuzat e Belerit, i quan histori të politikës greke
-
Kompanitë privatët ia kalojnë HEC-eve shtetërore, sipas bilancit të tremujorit të parë
-
Mitsotakis: Iniciativa e presidentes së Maqedonisë së Veriut është e paligjshme dhe e palejueshme
-
Raundi i 7-të për dinarin gjatë javës – rasti i fundit për zgjidhje apo vazhdimësi e krizës?