Ambasadori i Kosovës në Portugali, Ylber Kryeziu, është takuar me homologun e tij nga Guinea-Bissau.
“Pritje e ngrohtë nga kolegu im i dashur, ambasadori i Guinea-Bissau në Portugali, Helder Vaz Lopes rikonfirmoi marrëdhënien e mirë që Kosova ka me Gunea Bissau dhe e cila vetëm do të vazhdojë të forcohet”, shkroi Kryeziu në Twitter.
Takimet e ambasadorëve të Kosovës me përfaqësues të shteteve afrikane janë shpeshtuar këtë muaj pasi Aleksandër Vuçiç, presidenti i Serbisë, javë më parë kishte pretenduar se nëntë shtete, kryesisht nga Afrika, tashmë kanë ndryshuar pozicion në raport me shtetësinë e Kosovës, në mesin e tyre ishte edhe Guinea Bissau.
Edhe ambasadori i Kosovës në Kanada, Adriatik Kryeziu, këtë të enjte është takuar me ambasadoren e Gabonit në Otava, Engone Rosine Epouse Oliviera.
Megjithatë, sipas diplomatit kosovar, në diskutim e sipër me homologen e tij nga Gaboni janë konstatuar marrëdhëniet aktuale dypalëshe dhe nevoja për bashkëpunim me Gabonin.
Vuçiç’in e përgënjeshtroi edhe ambasadori i Kosovës në Turqi, Agon Vrenezi.
Shtetet që kanë tërhequr njohjen, sipas pretendimeve të Vuçiç-it janë Somalia, Burkina Faso, Gaboni, Eswatini, Libia, Guinea, Antigua dhe Barbuda, Saint Lucia e Maldivet.
Ministria e Punëve të Jashtme të Kosovës në mënyrë kategorike e kishte mohuar pretendimet e presidentit të Serbisë, Aleksandër Vuçiç, se Beogradi zyrtar ka arritur t’i bindë nëntë shtete, kryesisht nga Afrika, që ta çnjohin pavarësinë e Kosovës.
“Një pretendim i tillë nuk është vërtetuar as pas bisedave personale me përfaqësues në nivele të ndryshme të këtyre shteteve, por as pas konsultimit me partnerët e rëndësishëm të vendit tonë”, thuhej në këtë komunikatë për media.
“Manovrat diplomatike të Serbisë” – A ekziston çnjohja si koncept në të drejtën ndërkombëtare?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përtej shkarkimit të bujshëm të Shoigut, çfarë dihet për ristrukturimin e kabinetit të Putinit?
-
Socialistët e Spanjës fitojnë votën katalanase, ndërsa separatistët humbasin terren
-
Sulmi rus në Kharkiv vazhdon, pasi Moska thotë se ka marrë pesë fshatra
-
Erdogan me sytë te Egjeu, energjia dhe emigracioni i parregullt, përpara takimit me Mitsotakis
Lajmet kryesore
-
Rama i shpërfill akuzat e Belerit, i quan histori të politikës greke
-
Komisioni Hetimor për shëndetësinë në ngërç, do të marrë zgjidhje?
-
Erdogan me sytë te Egjeu, energjia dhe emigracioni i parregullt, përpara takimit me Mitsotakis
-
Raundi i 7-të për dinarin gjatë javës – rasti i fundit për zgjidhje apo vazhdim i krizës?