Ministri i Jashtëm Hakan Fidan tha të mërkurën se forcat turke të sigurisë ishin të autorizuara të synonin gjithçka që zotërohej ose kontrollohej nga grupi terrorist PKK në Siri dhe Irak.
Lajmi u bë nga e përditshmja “Daily Sabah”, duke cituar fjalën e zyrtarit turk gjatë një konference për shtyp.
“Gjithçka që i përket PKK/YPG-së, nga infrastruktura te objektet energjetike, në Siri dhe Irak janë tashmë objektiva legjitime të forcave tona të sigurisë”, theksoi fillimisht Fidan.
Deklaratat e kryediplomatit turk erdhën pas sulmit terrorist të së dielës nga PKK-ja që synoi selinë e policisë turke në Ankara.
Fidan tha se hetimi tregoi se dy terroristë të përfshirë në sulm kanë ardhur nga Siria.
“Është një fakt i njohur se sa i qartë është qëndrimi i Turqisë në luftën kundër terrorizmit. Pas këtij incidenti të fundit, si rezultat i punës së kryer nga forcat tona të inteligjencës dhe sigurisë, u bë e qartë se dy terroristët erdhën nga Siria dhe ishin trajnuar këtu”, shtoi zyrtari turk në një konferencë shtypi me homologun e tij turk qipriot Tahsin Ertuğruloğlu në Ankara.
PKK-ja dhe krahu i saj sirian YPG janë të njohur për përdorimin e Irakut verior dhe Sirisë veriore, pranë kufirit turk, si strehë për të komplotuar sulme terroriste ndaj Turqisë dhe forcave turke.
Fidan gjithashtu paralajmëroi palët e treta, pa i përmendur ato, të qëndrojnë larg objekteve të PKK/YPG-së.
“Përgjigja e forcave tona të armatosura ndaj këtij sulmi terrorist do të jetë jashtëzakonisht e qartë. Ata do të pendohen edhe një herë për kryerjen e veprimeve të tilla”, theksoi kryediplomati.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë