Zyrtari serb: KFOR-i na premtoi se Njësia Speciale e Policisë do të largohet nga Zveçani deri në orën 15:00
I ashtuquajturi përfaqësuesi i autoritetit të përkohshëm të Komunës së Zveçanit, Dragan Nedeljkoviç, në një prononcim para mediave, ka deklaruar se Misioni paqeruajtës i NATO-së në Kosovë, KFOR-i, ka premtuar se të gjithë pjesëtarët e Njësive Speciale të Policisë së Kosovës të cilët gjenden në Komunën e Zveçanit, do të largohen nga kjo komunë deri në orën 15:00.
“Komandanti i KFOR-it ka paralajmëruar se një pjesë e njësive speciale do të tërhiqen nga Zveçani gjatë natës dhe se do të tërhiqen plotësisht deri në orën 15:00 të ditës së sotme. Kemi ardhur të presim, po presim që në ora 15:00 që të gjithë të largohen”, ka pohuar ai.
Më tej Nedelkjoviç ka bërë të ditur se përfaqësuesit e bandave kriminale të arrestuar dje pas sulmit ndaj zyrtarëve të KFOR-it nuk janë liruar ende.
Sipas tij përfaqësuesit e Listës Serbe mbrëmë rreth orës 21:30 ka biseduar sërish me komandantin e KFOR-it, i cili u ka thënë se po presin letrat për lirimin e serbëve të ndaluar.
Njëjtë si të hënën edhe sot (të martën) qytetarët serbë kanë filluar të mblidhen para ndërtesave të komunave, për të kundërshtuar hyrjen e kryetarëve shqiptarë në objektet e komunave në Veri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kosova aktualisht s’është në agjendën e takimit të Komitetit të Ministrave të KiE-së
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Gërvalla: Rusia aktualisht po kryen sulm hibrid ndaj Kosovës
-
Edhe Austria po planifikon të sjellë të burgosur në Kosovë
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Këlliçi çon Veliajn në SPAK, për lidhje me Ndrangheta-n
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Kosova aktualisht s’është në agjendën e takimit të Komitetit të Ministrave të KiE-së