Ish-prokuroria pranë Gjykatës së Shkallës së Parë Kavajë (Prokuroria e Durrësit) ka pezulluar të dielën e 28 majit hetimet për vdekjen e katër rusëve në Qerret.
Sipas raportimeve, shkak për këtë është bërë letërporosia nga autoritetet ruse të cilat nuk kanë kthyer asnjë përgjigje sa i takon të shkuarës së tyre.
Më 25 nëntor të vitit 2021 institucioni i drejtësisë do të regjistronte procedimin penal “Vrasja në rrethana të tjera cilësuese” në lidhje me vdekjen e katër turistëve në ambientet e një hoteli në Qerret.
Më herët, vdekja e katërfishtë e shtetasve rusë ishte regjistruar nga ana e drejtësisë shqiptare si vepër penale e “vrasjes”.
Ambasada ruse në Shqipëri konfirmoi dhe identitetet e tyre, që kishin marrëdhënie familjare: Natalia Burenkova, Sergey Burenkov, Ekaterina Burenkaya dhe Nikita Belousov.
Autoritetet hetuese shtuan pistat e mundshme lidhur me shkaqet e vdekjes së tyre.
Ndërkohë detajet e reja të hetimit lidheshin me vendin ku dyshohet se turistët kanë ndërruar jetë.
Shtetasit rusë gjetën vdekjen në ambientet e pishinës dimërore të hotelit dhe jo në sauna, siç u raportua në fillim.
Dyshohet se përqendrimi i klorit ka qenë shumë i lartë, duke bërë që ata të asfiksohen dhe të gjejnë vdekjen.
Prokuroria po hetonte dhe mundësinë e helmimit të tyre. Ata një ditë para mbërritjes në Shqipëri, kishin drekuar në shtetin fqinj, Maqedoninë e Veriut.
Grupi hetimor mori asokohe kampionët e ujit dhe të klorit të përdorur në pishinë. Gjithashtu u mat edhe cilësia e ajrit nga ekspertët.
Mediat e huaja, e mbi të gjitha ato ruse, e pasqyruan ngjarjen me kuriozitet. Ndër këto media, edhe ajo britanike, Daily Mail, e cila i kushtoi një artikull të veçantë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”