Një delegacion i deputetëve të Kosovës, kryesuar nga deputeti i Lëvizjes Vetëvendosje, Driton Hyseni, është duke qëndruar në ditën e dytë të punimeve të sesionit pranveror të Asamblesë së Parlamentare të NATO-s.
Në njoftimin e lëshuar nga Kuvendi i Kosovës thuhet se delegacioni kosovar ka pasur takime me delegacionin e Kanadasë, Shteteve të Bashkuara, Danimarkës, Gjermanisë, Sllovakisë, si dhe me delegacionet e Holandës e Finlandës.
“Temat e diskutimit përfshinin kërkim-mbështetjen e Kosovës në proceset e përfshirjes sa më të madhe të delegacionit te Kuvendit të Kosovës në Asamblenë Parlamentare të NATO-s, si dhe ne institucionet e organizatat tjera ndërkombëtare”.
“Gjithashtu, në sesionin e Komisionit për Politikë, Driton Hyseni ngriti çështjen e përfshirjes në mënyrë specifike të Kosovës në raportin e Audronius Azubalis ‘E ardhmja e politikës së dyerve të hapura të NATO-s’, ku përfshihen vendet tjera të Ballkanit Perëndimor”.
Në komunikatën e Kuvendit të Kosovës, ndër të tjera thuhet se pas diskutimit të kryetarit të delegacionit të legjislativit kosovar, raportuesi Audronius Azubalis e pranoi se do të bëjë përfshirjen e Kosovës në raportin e këtij viti.
Ndër temat tjera të diskutimeve ishin edhe avancimi i përfshirjes së Kosovës në institucionet euro-atlantike, si dhe hapat që po bëjnë Ministria e Mbrojtjes dhe Ushtria e Kosovës drejt përmbushjes së standardeve të NATO-s në përmbushjen e kritereve për anëtarësim.
“Politika e dyerve të hapura” të NATO-s bazohet në nenin 10 të Traktatit të Uashingtonit, i cili thotë se anëtarësimi është i hapur për çdo shtet evropian që është në gjendje të çojë përpara parimet e këtij traktati dhe të kontribuojë në sigurinë e zonës së Atlantikut të Veriut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
-
Abdixhiku: Po marrim mbështetje për programin kombëtar të LDK-së
-
Kandidati socialist gjerman sulmohet gjatë fushatës
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës