Kryetari i Partisë Popullore Demokratike në Mal të Zi (DNP) dhe njëri ndër liderët e Frontit Demokratik (DF), Milan Knezheviç, ka paralajmëruar se nëse do zgjidhet kryeministër do ta nënshkruante vendimin për çnjohjen e Kosovës.
“Nuk është sekret që nëse do të zgjidhesha kryeministër, me nderin më të madh do ta nënshkruaja vendimin për tërheqjen e njohjes së Kosovës”, tha ai për mediumin malazez Vijesti.
Knezheviç edhe më herët kishte dhënë deklarata të ngjashme për Kosovën.
Ndryshe, Knezheviç-in dhe politikanin tjetër pro-serb Andija Mandiç i ka takuar këtë të shtune presidenti i Serbisë, Aleksandër Vuçiç në komunën e Zetës, e cila pati njoftuar se njohja e pavarësisë së Kosovës nuk do të vlejë në atë territor.
Kujtojmë se Fronti Demokratik në vitin 2018 kishte nisur një peticion për tërheqjen e njohjes së Kosovës, së bashku me një grumbull partish dhe organizatash pro-serbe, zyrtarë të të cilëve edhe kishin vizituar Mitrovicën e Veriut.
Ndryshe, gjatë vitit 2022 Rusia ka paguar më shumë se 300 milionë dollarë për partitë politike, zyrtarët dhe politikanët në më shumë se njëzet vende të botës – si pjesë e përpjekjeve të Moskës për të fituar ndikim jashtë vendit.
Në këtë raport, sipas burimit të Zërit të Amerikës, financim nga Rusia ka pranuar edhe formacioni politik pro-serb dhe pro-rus Fronti Demokratik, i cili ishte shumë afër formimit të qeverisë në Mal të Zi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
-
Abdixhiku: Po marrim mbështetje për programin kombëtar të LDK-së
-
Kandidati socialist gjerman sulmohet gjatë fushatës
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës