Presidentja e Kosovës, Vjosa Osmani do të jetë për vizitë në Maqedoninë Veriore më 26 prill.
Lajmi është bërë i ditur përmes një komunikate për media nga Zyra e Presidencës së Maqedonisë ku është thënë se presidenti i shtetit Stevo Pendarovski, do të jetë nikoqir i presidentes Osmani.
“Presidentja e Kosovës Vjosa Osmani-Sadriu në Shkup do të pritet me nderimet më të larta shtetërore, më pas do të realizoj takim me homologun e saj Stevo Pendarovski, ndërkohë që është paraparë edhe takim i dy delegacioneve”, thuhet në komunikatë.
Teksa gjatë qëndrimit në Shkup, Osmani do të realizoj takim edhe me kryetarin e Kuvendit, Talat Xhaferi si dhe kryeministrin Dimitar Kovaçevski.
Më 15 dhjetor, Presidenti i Maqedonisë së Veriut, Pendarovski, kishte vizituar Kosovën, ku ishte pritur me ceremoni të lartë shtetërore nga Presidentja e Kosovës, Vjosa Osmani.
Ndryshe, Pendarovski vazhdimisht kishte bërë kërkesë që Kosovës t’i bëhet liberalizimi i vizave.
Ai në takimin e 11-të të liderëve të vendeve pjesëmarrëse në Brdo-Brioni ka thënë se Kosovës duhet t’i hiqen vizat, derisa ka theksuar se Bosnja dhe Hercegovina e meriton statusin e kandidatit për anëtarësim në Bashkimin Evropian.
“Zgjerimi i BE-së kontribuon në ruajtjen e paqes dhe stabilitetit në rajonin tonë, në përmirësimin e demokracisë, sundimit të ligjit dhe mbrojtjes së të drejtave dhe lirive të njeriut, ndaj është e nevojshme të përshpejtohen proceset integruese të të gjitha vendeve të Ballkanit Perëndimor”, tha Pendarovski në takimin e 11-të të liderëve të vendeve pjesëmarrëse në Brdo-Brioni.
Pendarovski theksoi se vendet e Ballkanit Perëndimor kanë nevojë për qasje sa më të shpejtë në mekanizmat e BE-së si mbështetje për përballimin e krizës së ardhshme energjetike dhe vlerësoi se kriza ekonomike dhe sociale mund të shkaktojë krizë politike shumëvjeçare dhe të gjeneroj jostabilitet shtesë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’