Berisha: Ndërhyrja shpëtimtare e NATO-s, rol vendimtar për lirinë dhe pavarësinë e Kosovës
“24 marsi është dita e historisë për NATO-n, lirinë e Kosovës dhe kombit Shqiptar!”.
Kështu e nis reagimin e tij në median sociale Twitter, ish-kryeministri shqiptar Sali Berisha.
Për kryedemokratin, ndërhyrja shpëtimtare e NATO-s kundër Beogradit pati rol vendimtar për lirinë dhe pavarësinë e Kosovës.
“24 vite më parë, më 24 mars 1999 Aleanca e Atlantikut të Veriut në një vendim historik unanim e udhëhequr nga SHBA dhe presidenti Bill Clinton ndërmori ofensivën e saj ajrore më të madhe pas luftës së dytë botërore, ofensivën e parë në historinë e saj në mbrojtje të lirive dhe të drejtave njerëzore të 2 milionë shqiptarëve në Kosovë që përjetonin gjenocidin dhe barbaritë që hordhitë pushtuese të kasapit të Ballkanit Sllobodan Millosheviç ushtronin ndaj tyre. Ndërhyrja shpëtimtare e NATO-s kundër Beogradit krahas luftës çlirimtare të UÇK pati rol vendimtar për lirinë dhe pavarësinë e Kosovës”, shkruan Berisha.
Për këtë arsye, sipas tij, shqiptarët i mbeten mirënjohës përjetë NATO-s, SHBA-ve dhe vendeve të tjera anëtare për rolin e tyre çlirimtar për shqiptarët në Kosovë dhe vendosjen e paqes në Ballkan.
“Zoti e bekoftë NATO-n, vendet e saj anëtare dhe ushtritë e saj”, përmbyll reagimin Berisha.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
-
Qeveria po e trajton si armike shtresën e mesme, sipas Bashës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Hamasi tregon se është gati për marrëveshje, izraelitët ende të përçarë
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave