Kryeministri i Malit të Zi, Dritan Abazoviç, pas takimit me Presidenten e Kosovës, Vjosa Osmani, ka thënë se vizita e saj në Mal të Zi konfirmon marrëdhëniet e shkëlqyera mes dy vendeve fqinje, njoftoi Zyra e Kryeministrit.
Në këtë takim, siç thuhet në komunikatë, u theksua se potenciali ekonomik dhe bashkëpunimi ndërmjet dy vendeve mund të përmirësohet edhe më tej me organizimin e një forumi biznesi me pjesëmarrës nga Kosova dhe Mali i Zi.
Në këtë kontekst, u potencua gjithashtu se për të përmirësuar bashkëpunimin ekonomik duhet të punohet për lidhje më të mira infrastrukturore, siç është ndërtimi i drejtimeve të reja rrugore Plavë-Deçan dhe Rozhajë-Pejë.
Osmani e Abazoviç, u pajtuan se marrëdhëniet mes Prishtinës dhe Podgoricës janë miqësore dhe bazohen në parimet e besimit reciprok, fqinjësisë së mirë dhe perspektivës së përbashkët evropiane dhe euroatlantike.
Ndryshe, në kuadër të vizitës zyrtare në Podgoricë, presidentja Osmani ka takuar edhe presidentin malazez Milo Gjukanoviç, me të cilin patën edhe një konferencë të përbashkët për media.
Ndërkaq, në ditën e dytë të vizitës, presidentja Osmani do të vizitojë komunat e Tuzit dhe Ulqinit, ku jetojnë kryesisht shqiptarët në Mal të Zi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Kam informacione se Kurti do ta mbështesë Pendarovskin në rundin e dytë të zgjedhjeve presidenciale
-
Sipas NYT, Gjykata e Hagës po përgatit urdhërarreste për liderët e Hamasit dhe Izraelit
-
Muja i bindur: Qeveria s’e dërgon Asociacionin në Kushtetuese për shqyrtim
-
Dokumentari i Rai 3: Ironi dhe akuza në Kuvendin e Shqipërisë
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE