Avokati i ushtarit të FSK-së: Vetura e tij u sulmua me mjete të forta, shtiu me armë në tokë dhe ajër
Ka përfunduar seanca për caktimin e masës së paraburgimit ndaj ushtarit të Forcës së Sigurisë së Kosovës, i cili dyshohet se i plagosi dy rijnë serbë në Shtërpcë të premten, derisa avokati i tij, Naim Ferati, ka theksuar se vetura e të mbrojturit të tij ishte sulmuar me mjete të forta nga një turmë e qytetarëve që po festonin.
“I gjetur në këto rrethana, e duke u ndier i rrezikuar nga sulmi serioz i turmës së njerëzve, i njëjti me qëllim të largohet nga aty kishte nxjerr revolen dhe duke e mbajtur në pozitë të ulët e duke mos e drejtuar ndaj asnjërit person, kishte shkrepur fillimisht në tokë e pastaj në ajër”, tha Ferati para gazetarëve.
“Dhe nga ky moment i njëjti ishte larguar në Prevallë pa e kuptuar se nga ngjarja kishte të lënduar”, tha avokati para gazetarëve”.
Ai ka potencuar se ushtari i FSK-së, nuk ka pasur asnjë qëllim që të qëllonte apo lëndonte ndonjë qytetar, por e gjithë ngjarja ishte zhvilluar në vetëmbrojtje.
“Ky vlerësim i mbrojtjes vërtetohet edhe nga vetë nëna e 11-vjeçarit të lënduar, zonja Zorica Stojanoviç, që në deklarimin e paraqitur për mediat në gjuhën serbe, tha se ‘nuk ka qëlluar në drejtim të tyre, por në asfalt’’, ka thënë Ferati.
Prokuroria Themelore e Ferizajt për rastin e plagosjes së një 11 vjeçari dhe një 21 vjeçari në Shtërpcë, ka kërkuar që të pandehurit A.K., t’i caktohet masa e paraburgimit prej 30 ditësh.
Sipas njoftimit të prokurorisë, rasti është kualifikuar si “vrasje në tentativë”.
Prokuroria sqaron në komunikatë se ekziston dyshimi që i pandehuri me dashje ka tentuar që t’i privojë nga jeta dy të rinjtë pas një mosmarrëveshje verbale të ndodhur aty për aty.
A kanë drejtë ushtarët e FSK-së të bartin armë edhe jashtë orarit?
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’