Ministri i ri për Komunitete dhe Kthim, Nenad Rashiç, ka reaguar pasi zëdhënësi i Bashkimit Evropian, Peter Stano, deklaroi se emërimi i tij në këtë pozitë nuk përkon me frymën e Kushtetutës së Kosovës.
Rashiç e ka udhëzuar Stanon që ta lexojë me kujdes aktin më të lartë juridik të vendit, pas siç tha ai, nuk e njeh Kushtetutën.
“Kur e pashë biografinë e Stanos, nuk e pashë se ai ishte i njohur me Kushtetutën e Kosovës, ndaj i sugjeroj ta lexojë me kujdes”, tha ai, transmeton mediumi serb me seli në Kosovë ‘Kosovo-Online.
“Neni 94 thotë se kryeministri, sipas ligjeve të Kosovës, ka të drejtë të shkarkojë dhe emërojë ministrat pa pëlqimin e Kuvendit”, shtoi Rashiç.
Rashiç u emërua në këtë post nga kryeministri i Kosovës, Albin Kurti, për të zëvendësuar të dorëhequrin Goran Rakiç nga Lista Serbe.
Gjithashtu, para një dite, duke iu përgjigjur akuzave, në një prononcim për mediumin serb Nova, Rashiç ka folur edhe për komentet që ka bërë presidenti serb, Aleksandër Vuçiç, i cili e quajti atë dhe këshilltaren e tij Rada Trajkoviç si “llumi i shoqërisë serbe” dhe Kurtin që i emëroi “llum terrorist”.
Arsyeja e shqetësimit të zyrtarëve serbë, sipas Rashiç, ka të bëjë me faktin që ai është “serb autentik i Kosovës” dhe nuk kontrollohet nga Beogradi.
Ndryshe, në një konferencë për media të premten, Stano theksoi se BE-ja pret që për emërimin e politikanit serb si ministër të vendosë Gjykata Kushtetuese e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it
-
Abdixhiku kërkon vota për politikanin gjerman në prag të zgjedhjeve evropiane
-
Një muaj paraburgim për boshnjakun e dyshuar për krime lufte në Kosovë
-
‘Hungaria mund t’i zvarrisë integrimet evropiane të Kosovës’
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Knaus ndan një pjesë të fjalimit të Kurtit në Berlin: Ai deklaroi se s’mund t’ua imponojë serbëve draft-statutin e QUINT-it