Aksionet e Amazon-it kanë rënë me rreth 20 për qind pasi kompania ka njoftuar se sezoni i saj i rëndësishëm i blerjeve të festave do të ishte i vakët.
Pasi ka shijuar një rritje fenomenale gjatë pandemisë, Amazon ka luftuar të ulë kostot pasi inflacioni dhe rritja e normave të interesit kanë dhënë ndikimin e vet.
Kompania ka ngadalësuar hapjen e objekteve të reja, ka dhënë me qira disa hapësira magazine dhe ka vendosur një ngrirje të punësimit në disa pjesë të biznesit.
Amazon, për tre muajt e fundit ka raportuar shitje prej 127.1 miliardë dollarësh, më pak se sa prisnin analistët.
Sipas kompanisë, priteshin shitje neto prej 140 miliardë deri në 148 miliardë dollarë në tremujorin e katërt dhe analistët prisnin që shitjet të arrinin në 155.15 miliardë dollarë.
Shefi ekzekutiv Andy Jassy ka thënë se ishte “i inkurajuar nga përparimi i qëndrueshëm që po bëhej në uljen e kostove në rrjetin e përmbushjes së dyqaneve”.
“Do të balancojmë investimet për të qenë më të efektshme pa kompromentuar bastet kryesore afatgjata strategjike. Ajo që nuk do të ndryshojë është përqendrimi në përvojën e klientit”, ka shtuar ai.
Sakaq, rezultatet e Amazon-it kanë ndjekur shifrat zhgënjyese nga rivalët e industrisë.
Çmimi i aksionit të kompanisë mëmë të Facebook-ut, Meta, ka rënë në nivelet më të ulëta shumëvjeçare këtë javë.
Po ashtu çmimet e aksioneve të Alphabet-it dhe Microsoft-it kanë rënë pas parashikimit të rritjes më të ngadaltë të shitjeve.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës