Kuvendi në seancën e radhës do të diskutojë për vendosjen e “çmimit tavan” në produktet esenciale
Kuvendi i Kosovës për të enjten ka caktuar të mbaj seancën e re plenare me dy pika të rendit të ditës.
Shefja e grupit parlamentar të Lëvizjes Vetëvendosjes, Mimoza Kusari-Lila, pas mbledhjes së Kryesisë bëri të ditur se do të trajtojnë dy projektligje të reja, e njëri prej tyre do të jetë për të vendosur çmim tavan për produktet esenciale.
“Seanca e radhës të jetë me 20 tetor me dy pika të rendit të ditës. Pika e parë është shqyrtimi i projektligjit për mbështetje e punëve publike, projektligji i dytë është ai për masa të përkohshme të produkteve themelore në raste të veçanta të destebalizimit në treg”.
“Ky projektligj parasheh vendosjen e një çmimi tavan për produktet e listës esenciale dhe tashmë edhe ky i ka plotësuar të gjitha kushtet që të kaloj në Kuvend”.
Sipas shefit të Aleancës për Ardhmërinë e Kosovës, Besnik Tahiri, është e paarsyeshme heshtja e pushtetit ndaj liberalizimit të vizave.
“Ne kryesia e kam ngritur një çështje që kryetari i kuvendit të Kosovës t’i adresohet presidencës çeke me një kërkesë të thjesht që lidhet me një mosvendim për liberalizimin e vizave për qytetarët e Kosovës që për vlerësimin tonë është një diskriminim klasik”.
“Heshtja jonë nuk i bën nder Republikës së Kosovës”.
Kurse, tha se një çështje tjetër për të cilën AAK-ja do të jetë kundër është ajo e reformave pensionale.
“AAK-ja nuk do të mbështet reformat pensionale në rast se nuk votohet amendamenti i propozuar nga profesor doktor Shemsedin Dreshaj”.
Kurse, shefi i grupit parlamentar nga Partia Demokratike e Kosovës, Abelard Tahiri, kërkoi që të miratohet kodi civil nga Kuvendi i Kosovës.
“Qytetarët e Republikës së Kosovës mund të jetojnë një jetë të tërë pa vepra penale sepse nuk i prek kodi penal pa bërë vepra penale, por kodi civil e prek jetën e bash secilit qytetarë të Republikës së Kosovës. Jemi i vetmi vend në rajon që nuk kemi kod civil”.
Edhe pse fokusi në këtë mbledhje të kryesisë do të duhej të ishte falja e gjobave në pandemi, Lëvizja Vetëvendosje akoma nuk ka dalur me qëndrim lidhur me këtë çështje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Këlliçi çon Veliajn në SPAK, për lidhje me Ndrangheta-n
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Kosova aktualisht s’është në agjendën e takimit të Komitetit të Ministrave të KiE-së