Ambasada e Rusisë në Beograd ankohet, i reagon Hill-it: “Serbia ishte viktimë e agresionit amerikan dhe NATO-s”
“Askush nuk nënshkruan asgjë (me Rusinë). Është e vështirë për ne ta kuptojmë, por presim një shpjegim”, deklaroi ambasadori amerikan në Serbi, Christopher Hill të hënën e 26 shtatorit.
Kjo deklaratë e Hill-it, ka nxitur reagimin e ambasadës së Rusisë në Beograd, ku përmes një njoftimi ka vlerësuar se “është e trishtueshme të shohësh se sa e ulët mund të bjerë diplomacia amerikane”.
Aty thuhet se në vitin 1999, viktima kishte qenë Serbia kurse agresori ishin Shtetet e Bashkuara të Amerikës sëbashku me Aleancën Veri-Atlantike (NATO).
“Nuk kemi dyshim se shumë në Serbi, e cila u bë viktimë e agresionit amerikan dhe të NATO-s në vitin 1999, kategorikisht nuk e pranojnë këtë qasje”, thuhet në njoftim, transmeton mediumi serb ‘Danas’.
Sipas ambasadës ruse, ShBA-të po mundohen t’i imponojnë Serbisë qëndrimin “rusofob” duke zëvendësuar të drejtën ndërkombëtare me një “rend të bazuar në rregulla të favorshme vetëm për ShBA-të”.
Zbulohet përmbajtja e dokumentit që nënshkruan Serbia me Rusinë
“Kësaj radhe ai e kapërceu veten realisht, duke kërkuar egërsisht shpjegime nga autoritetet e vendit pritës në lidhje me nënshkrimin e planit të konsultimit ndërmjet ministrive të punëve të jashtme të Serbisë dhe Rusisë për vitet 2023 dhe 2024”.
Në fund, potencohet se Moska do të vazhdojë përpjekjet e saj për “forcimin e vazhdueshëm të bashkëpunimit strategjik dypalësh në të gjitha fushat me interes të përbashkët, duke përfshirë dialogun midis ministrive të punëve të jashtme për një gamë të gjerë çështjesh aktuale”.
Ministrat e Punëve të Jashtme të Serbisë dhe Rusisë, Nikola Selakoviç dhe Sergej Lavrov, nënshkruan më 23 shtator në New York “Planin e Konsultimit të Ministrive të Punëve të Jashtme” të dy vendeve për dy vitet e ardhshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ranucci tregon pse nuk u transmetua pjesa e dytë e ‘Report’ për Shqipërinë
-
Celibashi i bën thirrje Kuvendit të vendosë për votën e diasporës
-
Salianji akuzon SHISH-in se po përdoret, thotë se ka kthyer përgjigje “për t’u tallur” në Komisionin e TIMS
-
11 milionë euro i është shkaktuar dëm buxhetit të shtetit nga marrëveshjet e nënshkruara nga MASHT-i dhe MSH-ja
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës