Kryeministri i Shqipërisë, Edi Rama, ka zbuluar bisedën e tij me homologun nga Kosova, Albin Kurti, pas një takimi që të dy patën më 13 shtator.
Pavarësisht se raportimet ishin të një takimi të beftë e urgjent mes të dyve, Rama ka pretenduar se ai ishte planifikuar kohë më parë.
Ndër temat kryesore, ka qenë kriza energjetike dhe dimri i vështirë që e pret Ballkanin dhe gjithë Evropën, ku të dy palët kanë treguar mënyra se si mund ta ndihmojnë njëra-tjetrën, duke përfshirë edhe furnizim direkt me energji elektrike, në bazë të nevojave reciproke.
Teksa, gjykimi që po i bëhet ish-krerëve të Ushtrisë Çlirimtare të Kosovës në Hagë, nga ana e Gjykatës Speciale, nuk ka qenë një objekt bisede mes të dyve.
Kështu ka pohuar kryeministri shqiptar rreth çështjes.
“Kam një komunikimin të shkëlqyer, shumë të dashur e të ëmbël me Kurtin”, bëri me dije Rama, duke nënvizuar se nuk mungojnë edhe çastet kur mes të dyve shkëmbehen batuta e bëhet humor për tema të caktuara.
Mbi këtë premisë, kreu i Qeverisë shqiptare parashtroi se të dy liderët, kanë rënë dakord “që të mos bien dakord” për pozicione të caktuara, siç është qasja ndaj Serbisë apo nismës rajonale Open Balkan.
Këtu, përfshihet edhe qëndrimi ndaj presidentit serb, Alexander Vuçiç, me të cilin Rama ka shfaqur afrimitet në raste të shumta.
Mirëpo, mbi këtë gjë, ai ka shpjeguar se raportet me krerët e shteteve, përfshi Vuçiçin, e ka në bazë të interesave të shtetit shqiptar mbi të gjitha, teksa Kosova ka qëndrimin e saj, në bazë të interesave që ka vetë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balla: 900 mijë pasagjerë më shumë në Rinas se vitin e kaluar, shtojmë 100 efektivë
-
Këshilltarët bashkiakë të opozitës propozojnë shtimin e tre pikave në rendin e ditës
-
KP urdhër KPA: Ndryshoni vendimin për Aflred Ballën, t’i hiqet e drejta për të ushtruar funksione në sistemin e drejtësisë
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku