Një studente saudite është dënuar me 34 vjet burg për llogarinë në Twitter dhe për ndjekjen dhe ripostimet e disidentëve dhe aktivistëve.
Dënimi nga gjykata speciale saudite u dha javë pas vizitës së presidentit amerikan Joe Biden në Arabinë Saudite.
Për të, aktivistët e të drejtave të njeriut kishin paralajmëruar se mund të inkurajonte mbretërinë të përshkallëzonte shtypjen e saj ndaj disidentëve dhe aktivistëve të tjerë pro-demokracisë.
Po ashtu rasti shënon shembullin e fundit se si princi i kurorës Mohammed bin Salman ka vënë në shënjestër përdoruesit e Twitter-it në fushatën e tij të represionit.
Ai njëherazi kontrollon një aksion të madh indirekt në kompaninë amerikane të mediave sociale përmes fondit të pasurisë sovrane të Arabisë Saudite.
34-vjeçarja Salma al-Shehab, nënë e dy fëmijëve të vegjël, fillimisht u dënua me tre vjet burg për “krimin” e përdorimit të një faqe interneti për të “shkaktuar trazira publike dhe destabilizuar sigurinë civile dhe kombëtare”.
Por një gjykatë apeli dha dënimin e ri për 34 vjet burg pasi një prokuror publik i kërkoi gjykatës të merrte në konsideratë krime të tjera të supozuara.
Sakaq, akuzat e reja përfshijnë pretendimin se Shehab po “ndihmonte ata që kërkojnë të shkaktojnë trazira publike dhe destabilizojnë sigurinë civile dhe kombëtare duke ndjekur llogaritë e tyre në Twitter”.
Nga të gjitha llogaritë, Shehab nuk shfaqet si një aktiviste e zëshme saudite.
Madje, e përshkruan veten si studente doktorature në Universitetin e Leeds dhe pedagoge. Po ashtu si nënë e dy djemve, Noah dhe Adam.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Xhaferi: T’i tregojmë botës që s’jemi ne që bëjmë probleme, dilni votojeni “Frontin Evropian” më 8 maj
-
Vladimir Putin shkuli zemrën e një dreri për t’ia dhënë Silvio Berlusconit
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit