Kampionët në fuqi të Italisë, Milan-i, do ta hapin sezonin 2022/23 në Serie A, ku këtë të shtunë do të luajnë në shtëpi përballë Udinese-s.
Për kuqezinjtë pritet të jetë një ndeshje jo edhe e lehtë, duke pasur parasysh faktin se ata do të vuajnë mungesën e disa lojtarëve të rëndësishëm.
Mesfushori që spikati në sezonin e kaluar, Sandro Tonali, nuk do të jetë i gatshëm në këtë takim.
Gjithashtu edhe Junior Messias nuk do të mund të jap kontributin e tij, derisa dyshja e lartcekur pësoi dëmtim në ndeshjen miqësore kundër Vicenza-s, të cilën “djalli” e fitoi me shifrat 1:6.
Megjithatë ky nuk është fundi. Stefano Pioli do të ketë probleme të shumta edhe në repartin e sulmit, pasi përveç Zlatan Ibrahimovic-it, me shumë gjasë do të mungojnë edhe dy sulmuesit tjerë, Olivier Giroud dhe blerja e kësaj vere, Divock Origi.
Pra, alternativë për qendrën e sulmit është kroati Ante Rebic, i cili luajti në atë pozicion në ndeshjen e fundit miqësore, takim në të cilin shkëlqeu me dy gola dhe një asistim.
Ndërkohë, sa i përket mbrojtjes dhe mesfushës, Pioli pritet t’i ketë në dispozicion të gjithë lojtarët, derisa në këtë ndeshje pritet të debutojë nga stoli edhe blerja e fundit, Charles De Ketelaere.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’