Roger E. Mosley, i njohur për rolin e tij si pilot i helikopterit në serialin televiziv të CBS “Magnum PI”, ka ndërruar jetë në moshën 83 vjeçare.
Lajmin e ka konfirmuar, vajza e tij përmes një postimi në rrjetin social Facebook, pa dhënë detaje rreth vdekjes.
“Ai ishte i rrethuar nga familja teksa kaloi në paqe. Nuk mund të vajtojmë kurrë një njeri kaq të mrekullueshëm. Ai do të urrente çdo të qarë që bëhet në emër të tij. Është koha për të festuar trashëgiminë që ai la për të gjithë ne. Të dua babi, edhe ti me ke dashur mua. Zemra ime është e rënduar por jam e fortë. Unë do të kujdesem për mamin, dashurinë tuaj gati 60 vjeçare. Ti më rrite mirë dhe ajo është në duar të sigurta. Pusho i qetë”, ka shkruar ajo.
I lindur në Los Anxhelos më 18 dhjetor 1938, Mosley u rrit në Watts dhe ishte student në shkollën e mesme Jordan.
Në moshën 33 vjecare, ai filloi të shfaqej në ekrane duke luajtur role të vogla në “Cannon” dhe “Longstreet”. Ai vazhdoi të luajë Monk në “Terminal Island”, së bashku me Phyllis Davis dhe Tom Selleck.
Pas një sërë rolesh në fund të viteve 1970, koha e Mosley-t kishte ardhur, pasi fitoi rol në “Magnum PI”, si një pilot helikopteri që drejtonte një biznes turistik.
Personazhi i tij shpesh shfaqej së bashku me Orville “Rick” Wright, të luajtur nga Lawrence Francis Manetti. Mosley gjithashtu drejtoi dhe shkroi një episod të serialit origjinal.
Nga ana e filmit, Mosley vlerësohet për punën e tij në filmat e Blaxploitation si “The Mack”, “Hit Man”, “Sëeet Jesus”, “Preacherman”, “Darktoën Strutters” dhe “The River Niger”.
Ai gjithashtu luajti një nga rolet kryesore në filmin televiziv të vitit 1979 “The Jericho Mile”, i cili ishte debutimi artistik i Michael Mann.
Mosley ka lënë pas partneren e tij, Toni Laudermick, dhe tre fëmijët e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Emily Blunt thotë se “nuk ka pasur pëlqim për shumë prej aktorëve me të cilët është puthur nëpër xhirimet e filmave”
-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
Lajmet kryesore
-
Hamasi pranon armëpushimin për Gazën, Izraeli jo
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Konjufca kundër Taravarit: Çdo votë për kandidaten e VMRO-së është votë antishqiptare