Vdekja e një emigranti që u sulmua në mes të ditës në Italinë qendrore ka ngjallur zemërim.
Sulmi ndaj tregtarit rrugor nigerian nga një burrë tjetër në qendër të qytetit Civitanova Marche u kap në video të premten.
Regjistrimi, thuhet se është bërë nga dëshmitarët pa asnjë përpjekje për të ndërhyrë, tregon viktimën që mbahet përtokë nga një i bardhë.
Një 32-vjeçar italian është arrestuar si i dyshuar për vrasje dhe grabitje.
Videoja e sulmit – e cila është shpërndarë gjerësisht në faqet e lajmeve italiane dhe mediat sociale – ka tronditur komunitetin, ku shumë veta theksojnë “indiferencën” e dëshmitarëve.
Rrethanat e ngjarjes janë ende të paqarta.
Thirrje për drejtësi
Viktima është konfirmuar si Alika Ogorchukwu, babai i dy fëmijëve. Gruaja e tij, e quajtur Charity Oriachi, nuk mundi t’i përmbajë lotët e saj teksa u tha mediave sesi i treguan trupin e burrit të saj të shtrirë në tokë.
Të shtunën qindra njerëz nga komuniteti lokal nigerian dolën në rrugët e Civitanova Marche, në rajonin Marche, për të kërkuar drejtësi.
Sulmi është dënuar edhe nga politikanët italianë.
Enrico Letta, kreu i Partisë Demokratike të krahut të majtë, tha se ajo që ndodhi ishte “tmerruese”.
“Egërsi e padëgjuar. Indiferencë e përhapur. Nuk mund të ketë justifikim”, shkroi ai në një postim në Twitter.
Udhëheqësi i krahut të djathtë Matteo Salvini, shprehu gjithashtu zemërim për vdekjen, duke thënë se “siguria nuk ka ngjyrë” dhe “duhet të kthehet në një të drejtë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Sela porosi “kukullave” të Mickoskit: S’do të lejojmë që të përbuzet sakrifica e dëshmorëve
-
Thaçi, simpatizuesve të “Frontit Evropian”: VLEN-it duhet t’i jepni grusht, s’keni arsyeje ta votoni
-
Xhaferi: T’i tregojmë botës që s’jemi ne që bëjmë probleme, dilni votojeni “Frontin Evropian” më 8 maj
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit