“Protesta kundër bullgarizimit të Maqedonisë” – Protestuesit bllokojnë disa lokacione në Maqedoninë e Veriut
Si shenjë proteste kundër propozimit francez, në Maqedoninë e Veriut në një interval kohor nga ora 13:00 deri në orën 14:00, do të bllokohen disa lokacione.
Lokacionet që do të bllokohen janë rrugët kryesore Shtip-Veles, Strumnicë-Radovish dhe Pletvar-Prilep si dhe do të bllokohet hapësira para Qeverisë, në Shkup.
“I bëjmë thirrje masës që t’i thotë JO ultimatumit për bullgarizimin e Maqedonisë, JO brutalitetit dhe komisariateve, PO të ardhmes së Maqedonisë”. – thuhet nga organizatorët e protestës “Ultimatum – Jo faleminderit!”, raporton mediumi maqedonas Vecer.
Po ashtu në njoftim thuhet se të shtunën, 10 korrik, nuk do të ketë protesta në shenjë respekti për qytetarët myslimanë që e festojnë festën e Kurban Bajramit.
Protesta do të vazhdojë të dielën në Shkup prej orës 19:00 para Qeverisë.
Protestuesit që janë duke protestuar tash e disa ditë para Qeverisë. Protestuesit po kërkojnë që autoritet e qeverisë në Maqedoninë e Veriut, të refuzojnë propozimin e Bashkimit Evropian, të njohur si propozim francez, për fillimin e negociatave për anëtarësim.
Sipas tyre, propozimi francez çon drejt “bullgarizimit” të Maqedonisë së Veriut dhe nuk e njeh gjuhën e as historinë maqedonase.
Kujtojmë se Maqedonia e Veriut ndodhet para vendimit për pranimin ose jo të propozimit të modifikuar francez, propozim ky që do të ndihmonte në heqjen e vetos bullgare dhe zhbllokimin e rrugës eurointegruese të Maqedonisë së Veriut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
-
Thaçi: Ne fillojmë negociatat me VMRO-në në momentin kur ata janë gati ta tregojnë ditën për ndryshimet kushtetuese
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur
-
Gjykimi ndaj Krivaqës dhe Sejdiut nis më 16 maj
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës