Tashmë edhe zyrtarisht Mauricio Pochettino nuk do të jetë më trajner i Paris Saint Germain.
Ashtu si pritej, klubi parisien dhe trajneri argjentinas kanë ndërprerë kontratën e tyre.
Lajmin e ka bërë të ditur vetë klubi i Parisit, të cilët përmes një njoftimi në rrjetet sociale, treguan se kanë ndarë rrugët me Pochettino-n.
“Paris Saint-Germain konfirmon se Mauricio Pochettino ka përfunduar rolin e tij në klub. E falënderojmë Pochettinon dhe stafin e tij për punën e bërë dhe u uron më të mirën për të ardhmen “.
Le Paris Saint-Germain confirme avoir mis un terme à sa collaboration avec Mauricio Pochettino.
Le Club tient à remercier Mauricio Pochettino et son staff pour leur travail et leur souhaite le meilleur pour l’avenir.
— Paris Saint-Germain (@PSG_inside) July 5, 2022
Kujtojmë që trajneri argjentinas mbërriti në Paris në janar të vitit të kaluar për të zëvendësuar Thomas Tuchel.
Në krye të parisienëve ish-trajneri i Tottenham-it fitoi një kampionat, një Kupë France dhe një Superkupë të Francës.
Gjethsesi, puna e tij u konsiderua e pamjaftueshme nga zhgënjimet e hidhura në trofeun që parisienët prej kohësh e presin, Ligën e Kampionëve.
Statistikat e tij në stolin e PSG-së janë: 55 fitore, 13 barazime dhe 15 humbje.
Vendin e lënë bosh nga Pochettino pritet ta marrë Cristophe Galtier.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’