Qeveria e Kosovës ka emëruar, Rrezarta Pllanën, koordinatore për funksionalizimi të Fondit Sovran.
Një gjë e tillë është bërë e ditur përmes një komunikate për media nga zyra e kryeministrit, në të cilën thuhet se në takimin e tretë me radhë të Komisionit Ekzekutiv për Fondin Sovran janë diskutuar dhe miratuar hapat e radhës për funksionalizimin e këtij Fondi.
“Në këtë takim është theksuar rëndësia e përshpejtimit të procesit të funksionalizimit të Fondit Sovran. Gjithashtu është diskutuar për funksionalizimin e grupit punues që do të jetë përgjegjës për hartimin e projektligjit për Fondin Sovran”, thuhet në komunikatë
Më tej bëhet e ditur se koordinatorja do të jetë përgjegjëse për strukturimin e ndërmarrjeve publike, si dhe propozimin për themelimin e grupit të ekspertëve që do të bëhen pjesë e grupit punues për hartimin e Ligjit për Fondin Sovran.
Zyra e Kryeministrit gjithashtu ka bërë të ditur se në takim kanë marrë pjesë ministrja e Ekonomisë, Artane Rizvanolli, ministrja e Industrisë, Ndërmarrësisë dhe Tregtisë, Rozeta Hajdari, Ministri i Financave, Punës dhe Transfereve, Hekuran Murati dhe zëvendësministri i Ministrisë së Mjedisit, Planifikimit Hapësinor dhe Infrastrukturës, Hysen Durmishi.
Qeveria e Kosovës, më 1 qershor ka miratuar draft koncept-dokumentin për themelimin e Fondit Sovran në mbledhjen e ekzekutivit.
Gjatë prezantimit të këtij koncept-dokumneti, Albin Kurti kishte thënë se me themelimin e Fondit Sovran, do të bëhet transformimi ekonomik dhe se do të ketë riorientim të investimeve dhe rritje të punësimit.
Me themelimin e Fondit Sovran, është synuar shuarja e Agjencisë Kosovare të Privatizimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Barazia në urinim”: Gratë e Amsterdamit fitojnë luftën për më shumë tualete publike
-
Nagavci kërkon nga Jasharaj të jetë më i matur me deklaratat
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës
-
KPA shtyn shpalljen e vendimit për ankimimin e Komisionerit Publik ndaj Alfred Ballës
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës