Intel po shtyn ceremoninë e hapjes së themeleve për objektet e saj të planifikuara për prodhimin e çipave në Ohio, sepse qeveria amerikane nuk i ka dhënë ende fonde, konfirmoi kompania për The Verge.
Ceremonia, e cila fillimisht ishte caktuar për t’u zhvilluar më 22 korrik, është shtyrë në një përpjekje të mundshme për të shtyrë qeverinë e SHBA-ve drejt miratimit.
Intel në fillim të këtij viti njoftoi publikun për planet e saj 20 miliardë dollarësh për ndërtimin e dy fabrikave në New Albany të Ohio, duke thënë se zgjerimi potencial në tetë impiante do të “varet shumë nga financimi prej Aktit CHIPS.
Akti CHIPS ka synim dhënien e fondeve prej 52 miliardë dollarëve për kompanitë teknologjike, duke përfshirë këtu edhe Intel, për promovimin e prodhimit të çipave në SHBA.
Ndërsa Senati dhe Dhoma e Përfaqësuesve kanë miratuar versionet e tyre për këtë ligj, por që finalizimi ka ngecur në Kongres.
Intel u tha ligjvënësve amerikanë dhe zyrtarëve të qeverisë, se shtyrja e ceremonisë po ndodh për shkak të paqartësive të krijuara nga ta në lidhje me Aktin CHIPS.
Në deklaratën e dhënë për The Verge, zëdhënësi i Intel tha se “fushëveprimi dhe ritmi” i këtij projekti varet në fondet e Aktit CHIPS.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Shpërthimi i radhës nga Ilir Meta dhe synimi për të qenë koka e opozitës
-
Rama mbledh deputetët dhe ministrat për qeverisjen, korrupsionin dhe vizionin e ri 2030
-
Osmani s’ka hatërbetje me Kurtin edhe pse doli kundër tij: Kosovës i duhen miq për rrumbullakimin e shtetëformësisë – e ka mbështetjen paekuivokë