Klubi i Romës është duke vazhduar përforcimin në këtë afat kalimtar veror, derisa i fundit në listën e dëshirave të trajnerit Jose Mourinho, është futbollisti i Bayern Munich-ut, Marcel Sabitzer.
Trajneri portugez e pëlqen shumë futbollistin 28 vjeçar, derisa drejtuesit e dy skuadrave kanë pasur biseda për të gjetur një marrëveshje për austriakun.
Drejtuesit e Bayern-it janë gati ta lejojnë largimin e mesfushorit të avancuar, nëse vije një ofertë rreth 20 milionë euro, shumë që nuk përbën problem për Romën.
Sabitzer ka pasur një vit shumë të vështirë te kampioni në fuqi i Gjermanisë, andaj largimi në këtë verë duket i pashmangshëm.
Sabitzer ishte njëri nga lojtarët e preferuar të trajnerit Julian Nagelsmann te Leipzig-u, por te Bayern-i nuk shkuan gjërat siç duhen mes dyshes.
Mesfushori 28 vjeçar ka zhvilluar në total 32 ndeshje në të gjitha garat, por shumicën nga to i inkuadruar nga banka rezervë duke shënuar vetëm një gol e duke asistuar në një tjetër.
Kujtojmë që bavarezët e transferuan atë në verën e vitit të kaluar për 15 milionë euro, derisa ai ka kontratë të lidhur deri në vitin 2025.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës